אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | ויהי כשמע אדני-צדק מלך ירושלם כי-לכד יהושע את-העי ויחרימה כאשר עשה ליריחו ולמלכה כן-עשה לעי ולמלכה וכי השלימו ישבי גבעון את-ישראל ויהיו בקרבם. | יש ביאור - קראו וערכו אותו |
| ב | וייראו מאד כי עיר גדולה גבעון כאחת ערי הממלכה וכי היא גדולה מן-העי וכל-אנשיה גברים. | יש ביאור - קראו וערכו אותו |
| ג | וישלח אדני-צדק מלך ירושלם אל-הוהם מלך-חברון ואל-פראם מלך-ירמות ואל-יפיע מלך-לכיש ואל-דביר מלך-עגלון לאמר. | יש ביאור - קראו וערכו אותו |
| ד | עלו-אלי ועזרני ונכה את-גבעון כי-השלימה את-יהושע ואת-בני ישראל. | יש ביאור - קראו וערכו אותו |
| ה | ויאספו ויעלו חמשת מלכי האמרי מלך ירושלם מלך-חברון מלך-ירמות מלך-לכיש מלך-עגלון הם וכל-מחניהם ויחנו על-גבעון וילחמו עליה. | יש ביאור - קראו וערכו אותו |
| ו | וישלחו אנשי גבעון אל-יהושע אל-המחנה הגלגלה לאמר אל-תרף ידיך מעבדיך עלה אלינו מהרה והושיעה לנו ועזרנו כי נקבצו אלינו כל-מלכי האמרי ישבי ההר. | יש ביאור - קראו וערכו אותו |
| ז | ויעל יהושע מן-הגלגל הוא וכל-עם המלחמה עמו וכל גבורי החיל. | יש ביאור - קראו וערכו אותו |
| ח | ויאמר יהוה אל-יהושע אל-תירא מהם כי בידך נתתים לא-יעמד איש מהם בפניך. | יש ביאור - קראו וערכו אותו |
| ט | ויבא אליהם יהושע פתאם כל-הלילה עלה מן-הגלגל. | יש ביאור - קראו וערכו אותו |
| י | ויהמם יהוה לפני ישראל ויכם מכה-גדולה בגבעון וירדפם דרך מעלה בית-חורן ויכם עד-עזקה ועד-מקדה. | יש ביאור - קראו וערכו אותו |
| יא | ויהי בנסם מפני ישראל הם במורד בית-חורן ויהוה השליך עליהם אבנים גדלות מן-השמים עד-עזקה וימתו רבים אשר-מתו באבני הברד מאשר הרגו בני ישראל בחרב. | יש ביאור - קראו וערכו אותו |
| יב | אז ידבר יהושע ליהוה ביום תת יהוה את-האמרי לפני בני ישראל ויאמר לעיני ישראל שמש בגבעון דום וירח בעמק אילון. | יש ביאור - קראו וערכו אותו |
| יג | וידם השמש וירח עמד עד-יקם גוי איביו הלא-היא כתובה על-ספר הישר ויעמד השמש בחצי השמים ולא-אץ לבוא כיום תמים. | יש ביאור - קראו וערכו אותו |
| יד | ולא היה כיום ההוא לפניו ואחריו לשמע יהוה בקול איש כי יהוה נלחם לישראל. | יש ביאור - קראו וערכו אותו |
| טו | וישב יהושע וכל-ישראל עמו אל-המחנה הגלגלה. | יש ביאור - קראו וערכו אותו |
| טז | וינסו חמשת המלכים האלה ויחבאו במערה במקדה. | יש ביאור - קראו וערכו אותו |
| יז | ויגד ליהושע לאמר נמצאו חמשת המלכים נחבאים במערה במקדה. | יש ביאור - קראו וערכו אותו |
| יח | ויאמר יהושע גלו אבנים גדלות אל-פי המערה והפקידו עליה אנשים לשמרם. | יש ביאור - קראו וערכו אותו |
| יט | ואתם אל-תעמדו רדפו אחרי איביכם וזנבתם אותם אל-תתנום לבוא אל-עריהם כי נתנם יהוה אלהיכם בידכם. | יש ביאור - קראו וערכו אותו |
| כ | ויהי ככלות יהושע ובני ישראל להכותם מכה גדולה-מאד עד-תמם והשרידים שרדו מהם ויבאו אל-ערי המבצר. | יש ביאור - קראו וערכו אותו |
| כא | וישבו כל-העם אל-המחנה אל-יהושע מקדה בשלום לא-חרץ לבני ישראל לאיש את-לשנו. | יש ביאור - קראו וערכו אותו |
| כב | ויאמר יהושע פתחו את-פי המערה והוציאו אלי את-חמשת המלכים האלה מן-המערה. | יש ביאור - קראו וערכו אותו |
| כג | ויעשו כן ויציאו אליו את-חמשת המלכים האלה מן-המערה את מלך ירושלם את-מלך חברון את-מלך ירמות את-מלך לכיש את-מלך עגלון. | יש ביאור - קראו וערכו אותו |
| כד | ויהי כהוציאם את-המלכים האלה אל-יהושע ויקרא יהושע אל-כל-איש ישראל ויאמר אל-קציני אנשי המלחמה ההלכוא אתו קרבו שימו את-רגליכם על-צוארי המלכים האלה ויקרבו וישימו את-רגליהם על-צואריהם. | יש ביאור - קראו וערכו אותו |
| כה | ויאמר אליהם יהושע אל-תיראו ואל-תחתו חזקו ואמצו כי ככה יעשה יהוה לכל-איביכם אשר אתם נלחמים אותם. | יש ביאור - קראו וערכו אותו |
| כו | ויכם יהושע אחרי-כן וימיתם ויתלם על חמשה עצים ויהיו תלוים על-העצים עד-הערב. | יש ביאור - קראו וערכו אותו |
| כז | ויהי לעת בוא השמש צוה יהושע וירידום מעל העצים וישלכם אל-המערה אשר נחבאו-שם וישמו אבנים גדלות על-פי המערה עד-עצם היום הזה. | יש ביאור - קראו וערכו אותו |
| כח | ואת-מקדה לכד יהושע ביום ההוא ויכה לפי-חרב ואת-מלכה החרם אותם ואת-כל-הנפש אשר-בה לא השאיר שריד ויעש למלך מקדה כאשר עשה למלך יריחו. | יש ביאור - קראו וערכו אותו |
| כט | ויעבר יהושע וכל-ישראל עמו ממקדה לבנה וילחם עם-לבנה. | יש ביאור - קראו וערכו אותו |
| ל | ויתן יהוה גם-אותה ביד ישראל ואת-מלכה ויכה לפי-חרב ואת-כל-הנפש אשר-בה לא-השאיר בה שריד ויעש למלכה כאשר עשה למלך יריחו. | יש ביאור - קראו וערכו אותו |
| לא | ויעבר יהושע וכל-ישראל עמו מלבנה לכישה ויחן עליה וילחם בה. | יש ביאור - קראו וערכו אותו |
| לב | ויתן יהוה את-לכיש ביד ישראל וילכדה ביום השני ויכה לפי-חרב ואת-כל-הנפש אשר-בה ככל אשר-עשה ללבנה. | יש ביאור - קראו וערכו אותו |
| לג | אז עלה הרם מלך גזר לעזר את-לכיש ויכהו יהושע ואת-עמו עד-בלתי השאיר-לו שריד. | יש ביאור - קראו וערכו אותו |
| לד | ויעבר יהושע וכל-ישראל עמו מלכיש עגלנה ויחנו עליה וילחמו עליה. | יש ביאור - קראו וערכו אותו |
| לה | וילכדוה ביום ההוא ויכוה לפי-חרב ואת כל-הנפש אשר-בה ביום ההוא החרים ככל אשר-עשה ללכיש. | יש ביאור - קראו וערכו אותו |
| לו | ויעל יהושע וכל-ישראל עמו מעגלונה חברונה וילחמו עליה. | יש ביאור - קראו וערכו אותו |
| לז | וילכדוה ויכוה-לפי-חרב ואת-מלכה ואת-כל-עריה ואת-כל-הנפש אשר-בה לא-השאיר שריד ככל אשר-עשה לעגלון ויחרם אותה ואת-כל-הנפש אשר-בה. | יש ביאור - קראו וערכו אותו |
| לח | וישב יהושע וכל-ישראל עמו דברה וילחם עליה. | יש ביאור - קראו וערכו אותו |
| לט | וילכדה ואת-מלכה ואת-כל-עריה ויכום לפי-חרב ויחרימו את-כל-נפש אשר-בה לא השאיר שריד כאשר עשה לחברון כן-עשה לדברה ולמלכה וכאשר עשה ללבנה ולמלכה. | יש ביאור - קראו וערכו אותו |
| מ | ויכה יהושע את-כל-הארץ ההר והנגב והשפלה והאשדות ואת כל-מלכיהם לא השאיר שריד ואת כל-הנשמה החרים כאשר צוה יהוה אלהי ישראל. | יש ביאור - קראו וערכו אותו |
| מא | ויכם יהושע מקדש ברנע ועד-עזה ואת כל-ארץ גשן ועד-גבעון. | יש ביאור - קראו וערכו אותו |
| מב | ואת כל-המלכים האלה ואת-ארצם לכד יהושע פעם אחת כי יהוה אלהי ישראל נלחם לישראל. | יש ביאור - קראו וערכו אותו |
| מג | וישב יהושע וכל-ישראל עמו אל-המחנה הגלגלה. | יש ביאור - קראו וערכו אותו |