צדקת צדקיהו

קוד: צדקת צדקיהו בתנ"ך

סוג: מאמר

מאת: רמי ניר

אל:

וַיֹּאמֶר הַמֶּלֶךְ צִדְקִיָּהוּ אֶל-יִרְמְיָהוּ
אֲנִי דֹאֵג אֶת-הַיְּהוּדִים
אֲשֶׁר נָפְלוּ אֶל-הַכַּשְׂדִּים
פֶּן-יִתְּנוּ אֹתִי בְּיָדָם וְהִתְעַלְּלוּ-בִי...
(ירמיה לח' 19)

זאת...צִדְקַת צִדְקִיָּהוּ...הַמֶּלֶךְ...אֲשֶׁר נָתַן אֶת יְרוּשָׁלָיִם לְהִשָּׂרֵף בָּאֵשׁ...

***

...בִּשְׁנַת שְׁמוֹנֶה עֶשְׂרֵה לִנְבוּכַדְרֶאצַּר...
(ירמיה נב' 29)

מתועד כדלקמן:

וַיִּשְׁלַח הַמֶּלֶךְ צִדְקִיָּהוּ
וַיִּקַּח אֶת-יִרְמְיָהוּ הַנָּבִיא אֵלָיו
אֶל-מָבוֹא הַשְּׁלִישִׁי אֲשֶׁר בְּבֵית יְהוָה
וַיֹּאמֶר הַמֶּלֶךְ אֶל-יִרְמְיָהוּ
שֹׁאֵל אֲנִי אֹתְךָ דָּבָר--אַל-תְּכַחֵד מִמֶּנִּי דָּבָר
וַיֹּאמֶר יִרְמְיָהוּ אֶל-צִדְקִיָּהוּ
כִּי אַגִּיד לְךָ הֲלוֹא הָמֵת תְּמִיתֵנִי
וְכִי אִיעָצְךָ לֹא תִשְׁמַע אֵלָי
וַיִּשָּׁבַע הַמֶּלֶךְ צִדְקִיָּהוּ אֶל-יִרְמְיָהוּ--בַּסֵּתֶר לֵאמֹר:
חַי-יְהוָה אֲשֶׁר עָשָׂה-לָנוּ אֶת-הַנֶּפֶשׁ הַזֹּאת
אִם-אֲמִיתֶךָ וְאִם-אֶתֶּנְךָ בְּיַד הָאֲנָשִׁים הָאֵלֶּה
אֲשֶׁר מְבַקְשִׁים אֶת-נַפְשֶׁךָ...

וַיֹּאמֶר יִרְמְיָהוּ אֶל-צִדְקִיָּהוּ
כֹּה-אָמַר יְהוָה אֱלֹהֵי צְבָאוֹת אֱלֹהֵי יִשְׂרָאֵל
אִם-יָצֹא תֵצֵא אֶל-שָׂרֵי מֶלֶךְ-בָּבֶל
וְחָיְתָה נַפְשֶׁךָ וְהָעִיר הַזֹּאת לֹא תִשָּׂרֵף בָּאֵשׁ...

וְחָיִתָה אַתָּה וּבֵיתֶךָ
וְאִם לֹא-תֵצֵא אֶל-שָׂרֵי מֶלֶךְ בָּבֶל
וְנִתְּנָה הָעִיר הַזֹּאת בְּיַד הַכַּשְׂדִּים
וּשְׂרָפוּהָ בָּאֵשׁ
וְאַתָּה לֹא-תִמָּלֵט מִיָּדָם...

וַיֹּאמֶר הַמֶּלֶךְ צִדְקִיָּהוּ אֶל-יִרְמְיָהוּ
אֲנִי דֹאֵג אֶת-הַיְּהוּדִים
אֲשֶׁר נָפְלוּ אֶל-הַכַּשְׂדִּים
פֶּן-יִתְּנוּ אֹתִי בְּיָדָם וְהִתְעַלְּלוּ-בִי...

וַיֹּאמֶר יִרְמְיָהוּ לֹא יִתֵּנוּ
שְׁמַע-נָא בְּקוֹל יְהוָה
לַאֲשֶׁר אֲנִי דֹּבֵר אֵלֶיךָ
וְיִיטַב לְךָ וּתְחִי נַפְשֶׁךָ
וְאִם-מָאֵן אַתָּה לָצֵאת
זֶה הַדָּבָר אֲשֶׁר הִרְאַנִי יְהוָה...

וְהִנֵּה כָל-הַנָּשִׁים אֲשֶׁר נִשְׁאֲרוּ בְּבֵית מֶלֶךְ-יְהוּדָה
מוּצָאוֹת אֶל-שָׂרֵי מֶלֶךְ בָּבֶל
וְהֵנָּה אֹמְרֹת הִסִּיתוּךָ וְיָכְלוּ לְךָ אַנְשֵׁי שְׁלֹמֶךָ
הָטְבְּעוּ בַבֹּץ רַגְלֶךָ נָסֹגוּ אָחוֹר
וְאֶת-כָּל-נָשֶׁיךָ וְאֶת-בָּנֶיךָ מוֹצִאִים אֶל-הַכַּשְׂדִּים
וְאַתָּה לֹא-תִמָּלֵט מִיָּדָם
כִּי בְיַד מֶלֶךְ-בָּבֶל תִּתָּפֵשׂ
וְאֶת-הָעִיר הַזֹּאת תִּשְׂרֹף בָּאֵשׁ...
(ירמיה לח' 23-14)

***

בְּעַשְׁתֵּי-עֶשְׂרֵה שָׁנָה לְצִדְקִיָּהוּ
בַּחֹדֶשׁ הָרְבִיעִי בְּתִשְׁעָה לַחֹדֶשׁ הָבְקְעָה הָעִיר...
(ירמיה לט' 2)

***

...בִּשְׁנַת שְׁמוֹנֶה עֶשְׂרֵה לִנְבוּכַדְרֶאצַּר...
(ירמיה נב' 29)

וַיִּשְׁחַט מֶלֶךְ בָּבֶל אֶת-בְּנֵי צִדְקִיָּהוּ בְּרִבְלָה--לְעֵינָיו
וְאֵת כָּל-חֹרֵי יְהוּדָה שָׁחַט מֶלֶךְ בָּבֶל
וְאֶת-עֵינֵי צִדְקִיָּהוּ עִוֵּר
וַיַּאַסְרֵהוּ בַּנְחֻשְׁתַּיִם
לָבִיא אֹתוֹ בָּבֶלָה...

וְאֶת-בֵּית הַמֶּלֶךְ וְאֶת-בֵּית הָעָם שָׂרְפוּ הַכַּשְׂדִּים בָּאֵשׁ
וְאֶת-חֹמוֹת יְרוּשָׁלִַם נָתָצוּ
וְאֵת יֶתֶר הָעָם הַנִּשְׁאָרִים בָּעִיר
וְאֶת-הַנֹּפְלִים אֲשֶׁר נָפְלוּ עָלָיו
וְאֵת יֶתֶר הָעָם הַנִּשְׁאָרִים
הֶגְלָה נְבוּזַרְאֲדָן רַב-טַבָּחִים בָּבֶל...
(ירמיה לט' 9-6)

וַיְבִאֵהוּ מֶלֶךְ-בָּבֶל בָּבֶלָה
וַיִּתְּנֵהוּ בֵית הַפְּקֻדֹּת עַד-יוֹם מוֹתוֹ...
(ירמיה נב' 11)

***

...בִּשְׁנַת שְׁמוֹנֶה עֶשְׂרֵה לִנְבוּכַדְרֶאצַּר...
(ירמיה נב' 29)

וַיְהִי בַּחֹדֶשׁ הַשְּׁבִיעִי
בָּא יִשְׁמָעֵאל בֶּן-נְתַנְיָה בֶן-אֱלִישָׁמָע
מִזֶּרַע הַמְּלוּכָה וְרַבֵּי הַמֶּלֶךְ
וַעֲשָׂרָה אֲנָשִׁים אִתּוֹ אֶל-גְּדַלְיָהוּ בֶן-אֲחִיקָם--הַמִּצְפָּתָה
וַיֹּאכְלוּ שָׁם לֶחֶם יַחְדָּו בַּמִּצְפָּה
וַיָּקָם יִשְׁמָעֵאל בֶּן-נְתַנְיָה וַעֲשֶׂרֶת הָאֲנָשִׁים אֲשֶׁר-הָיוּ אִתּוֹ
וַיַּכּוּ אֶת-גְּדַלְיָהוּ בֶן-אֲחִיקָם בֶּן-שָׁפָן בַּחֶרֶב--וַיָּמֶת אֹתוֹ...
(ירמיה מא' 2-1)

***

...שְׁנַת תְּשַׁע-עֶשְׂרֵה שָׁנָה לַמֶּלֶךְ נְבוּכַדְרֶאצַּר...
(ירמיה נב' 12)

וּבַחֹדֶשׁ הַחֲמִישִׁי בֶּעָשׂוֹר לַחֹדֶשׁ
הִיא שְׁנַת תְּשַׁע-עֶשְׂרֵה שָׁנָה לַמֶּלֶךְ נְבוּכַדְרֶאצַּר מֶלֶךְ-בָּבֶל
בָּא נְבוּזַרְאֲדָן רַב-טַבָּחִים
עָמַד לִפְנֵי מֶלֶךְ-בָּבֶל בִּירוּשָׁלִָם
וַיִּשְׂרֹף אֶת-בֵּית-יְהוָה
וְאֶת-בֵּית הַמֶּלֶךְ
וְאֵת כָּל-בָּתֵּי יְרוּשָׁלִַם
וְאֶת-כָּל-בֵּית הַגָּדוֹל שָׂרַף בָּאֵשׁ
וְאֶת-כָּל-חֹמוֹת יְרוּשָׁלִַם סָבִיב
נָתְצוּ כָּל-חֵיל כַּשְׂדִּים אֲשֶׁר אֶת-רַב-טַבָּחִים...
(ירמיה נב' 14-12)