ה' נטה שמים

קוד: ה' נטה שמים בתנ"ך

סוג: מאמר

מאת: רמי ניר

אל:

יְהוָה... נָטָה שָׁמָיִם...

א.
נוֹטֶה שָׁמַיִם לְבַדִּי = וּבִתְבוּנָתוֹ נָטָה שָׁמָיִם = בַּהֲכִינוֹ שָׁמַיִם שָׁם אָנִי...

ב.
לְמַעַן יִמְצָאוּ = וּמְשַׁחֲרַי יִמְצָאֻנְנִי = כִּי מוֹצְאִי מָצָא חַיִּים...
ואכן הכדאיות... המוצא לעשות את רצון אלוהינו / וַיָּפֶק רָצוֹן מֵיְהוָה = גמול

להלן התיעוד - ישעיה ירמיה ומשלי:

1)
כֹּה-אָמַר יְהוָה גֹּאֲלֶךָ וְיֹצֶרְךָ מִבָּטֶן
אָנֹכִי יְהוָה עֹשֶׂה כֹּל...

נֹטֶה שָׁמַיִם לְבַדִּי
רֹקַע הָאָרֶץ מי אתי (מֵאִתִּי)
מֵפֵר אֹתוֹת בַּדִּים וְקֹסְמִים יְהוֹלֵל
מֵשִׁיב חֲכָמִים אָחוֹר וְדַעְתָּם יְסַכֵּל
מֵקִים דְּבַר עַבְדּוֹ
וַעֲצַת מַלְאָכָיו יַשְׁלִים...

הָאֹמֵר לִירוּשָׁלִַם תּוּשָׁב
וּלְעָרֵי יְהוּדָה תִּבָּנֶינָה
וְחָרְבוֹתֶיהָ אֲקוֹמֵם...

הָאֹמֵר לַצּוּלָה חֳרָבִי
וְנַהֲרֹתַיִךְ אוֹבִישׁ...

הָאֹמֵר לְכוֹרֶשׁ רֹעִי
וְכָל-חֶפְצִי יַשְׁלִם
וְלֵאמֹר לִירוּשָׁלִַם תִּבָּנֶה
וְהֵיכָל תִּוָּסֵד...
(ישעיה מד' 24 – 28)

2)
עֹשֵׂה אֶרֶץ בְּכֹחוֹ
מֵכִין תֵּבֵל בְּחָכְמָתוֹ
וּבִתְבוּנָתוֹ נָטָה שָׁמָיִם...

לְקוֹל תִּתּוֹ הֲמוֹן מַיִם בַּשָּׁמַיִם
וַיַּעֲלֶה נְשִׂאִים מִקְצֵה ארץ (הָאָרֶץ)
בְּרָקִים לַמָּטָר עָשָׂה
וַיּוֹצֵא רוּחַ מֵאֹצְרֹתָיו...

נִבְעַר כָּל-אָדָם מִדַּעַת
הֹבִישׁ כָּל-צוֹרֵף מִפָּסֶל
כִּי שֶׁקֶר נִסְכּוֹ וְלֹא-רוּחַ בָּם
הֶבֶל הֵמָּה מַעֲשֵׂה תַּעְתֻּעִים
בְּעֵת פְּקֻדָּתָם יֹאבֵדוּ...

לֹא-כְאֵלֶּה חֵלֶק יַעֲקֹב
כִּי-יוֹצֵר הַכֹּל הוּא
וְיִשְׂרָאֵל שֵׁבֶט נַחֲלָתוֹ
יְהוָה צְבָאוֹת שְׁמוֹ...

אִסְפִּי מֵאֶרֶץ כִּנְעָתֵךְ
ישבתי (יֹשֶׁבֶת) בַּמָּצוֹר
כִּי-כֹה אָמַר יְהוָה
הִנְנִי קוֹלֵעַ אֶת-יוֹשְׁבֵי הָאָרֶץ בַּפַּעַם הַזֹּאת
וַהֲצֵרֹתִי לָהֶם
לְמַעַן יִמְצָאוּ...
(ירמיה י' 12 – 18)

3)
אֲנִי אהביה (אֹהֲבַי) אֵהָב וּמְשַׁחֲרַי יִמְצָאֻנְנִי...

עֹשֶׁר-וְכָבוֹד אִתִּי
הוֹן עָתֵק וּצְדָקָה
טוֹב פִּרְיִי מֵחָרוּץ וּמִפָּז
וּתְבוּאָתִי מִכֶּסֶף נִבְחָר
בְּאֹרַח-צְדָקָה אֲהַלֵּךְ
בְּתוֹךְ נְתִיבוֹת מִשְׁפָּט
לְהַנְחִיל אֹהֲבַי יֵשׁ
וְאֹצְרֹתֵיהֶם אֲמַלֵּא...

יְהוָה--קָנָנִי רֵאשִׁית דַּרְכּוֹ
קֶדֶם מִפְעָלָיו מֵאָז
מֵעוֹלָם נִסַּכְתִּי
מֵרֹאשׁ--מִקַּדְמֵי-אָרֶץ
בְּאֵין-תְּהֹמוֹת חוֹלָלְתִּי
בְּאֵין מַעְיָנוֹת נִכְבַּדֵּי-מָיִם
בְּטֶרֶם הָרִים הָטְבָּעוּ
לִפְנֵי גְבָעוֹת חוֹלָלְתִּי
עַד-לֹא עָשָׂה אֶרֶץ וְחוּצוֹת
וְרֹאשׁ עַפְרוֹת תֵּבֵל...

בַּהֲכִינוֹ שָׁמַיִם שָׁם אָנִי
בְּחֻקוֹ חוּג עַל-פְּנֵי תְהוֹם
בְּאַמְּצוֹ שְׁחָקִים מִמָּעַל
בַּעֲזוֹז עִינוֹת תְּהוֹם
בְּשׂוּמוֹ לַיָּם חֻקּוֹ וּמַיִם לֹא יַעַבְרוּ-פִיו
בְּחוּקוֹ מוֹסְדֵי אָרֶץ...
(משלי ח' 17 – 29)

כִּי מֹצְאִי מצאי (מָצָא) חַיִּים
וַיָּפֶק רָצוֹן מֵיְהוָה...

וְחֹטְאִי חֹמֵס נַפְשׁוֹ
כָּל-מְשַׂנְאַי אָהֲבוּ מָוֶת...
(משלי ח' 35 - 36)