יש בתנ"ך...יש מי שאוהב אותנו ואנחנו אוהבים אותו...

מאת: רמי ניר

אל:

כמה נפלא לתת אהבת אדם ולקבל אהבת אלהים:
"כִּי-יָשָׁר יְהוָה צוּרִי וְלֹא-עַוְלָתָה בּוֹ"...(תהלים צב' 16)
[6]=[ישר]=[שיר]

א)
"כִּי אָהַב אֶת-אֲבֹתֶיךָ"
"וַיִּבְחַר בְּזַרְעוֹ אַחֲרָיו"
"וַיּוֹצִאֲךָ בְּפָנָיו בְּכֹחוֹ הַגָּדֹל מִמִּצְרָיִם"...
(דברים ד' 37)

ב)
"שְׁמַע יִשְׂרָאֵל"
"יְהוָה אֱלֹהֵינוּ יְהוָה אֶחָד"

"וְאָהַבְתָּ אֵת יְהוָה אֱלֹהֶיךָ"
"בְּכָל-לְבָבְךָ וּבְכָל-נַפְשְׁךָ וּבְכָל-מְאֹדֶךָ"

"וְהָיוּ הַדְּבָרִים הָאֵלֶּה אֲשֶׁר אָנֹכִי מְצַוְּךָ הַיּוֹם--עַל-לְבָבֶךָ"
"וְשִׁנַּנְתָּם לְבָנֶיךָ וְדִבַּרְתָּ בָּם בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּבְשָׁכְבְּךָ וּבְקוּמֶךָ"
"וּקְשַׁרְתָּם לְאוֹת עַל-יָדֶךָ וְהָיוּ לְטֹטָפֹת בֵּין עֵינֶיךָ"
"וּכְתַבְתָּם עַל-מְזֻזוֹת בֵּיתֶךָ וּבִשְׁעָרֶיךָ"...
(דברים ו' 9-4)

ג)
"לֹא-תֵלֵךְ רָכִיל בְּעַמֶּיךָ"
"לֹא תַעֲמֹד עַל-דַּם רֵעֶךָ"
"אֲנִי יְהוָה"

לֹא-תִשְׂנָא אֶת-אָחִיךָ בִּלְבָבֶךָ"
"הוֹכֵחַ תּוֹכִיחַ אֶת-עֲמִיתֶךָ וְלֹא-תִשָּׂא עָלָיו חֵטְא"
"לֹא-תִקֹּם וְלֹא-תִטֹּר אֶת-בְּנֵי עַמֶּךָ"

"וְאָהַבְתָּ לְרֵעֲךָ כָּמוֹךָ"
"אֲנִי יְהוָה"...
(ויקרא יט' 18-16)

ד)
"כְּאֶזְרָח מִכֶּם יִהְיֶה לָכֶם הַגֵּר הַגָּר אִתְּכֶם"

"וְאָהַבְתָּ לוֹ כָּמוֹךָ"
"כִּי-גֵרִים הֱיִיתֶם בְּאֶרֶץ מִצְרָיִם"
"אֲנִי יְהוָה אֱלֹהֵיכֶם"...
(ויקרא יט' 34)

ה)
"הִגִּיד לְךָ אָדָם מַה-טּוֹב"
"וּמָה-יְהוָה דּוֹרֵשׁ מִמְּךָ"

"כִּי אִם-עֲשׂוֹת מִשְׁפָּט וְאַהֲבַת חֶסֶד"
"וְהַצְנֵעַ לֶכֶת עִם-אֱלֹהֶיךָ"...
(מיכה ו' 8)

ו)
"מֵרָחוֹק יְהוָה נִרְאָה לִי"
"וְאַהֲבַת עוֹלָם אֲהַבְתִּיךְ"
"עַל-כֵּן מְשַׁכְתִּיךְ חָסֶד"

"עוֹד אֶבְנֵךְ וְנִבְנֵית בְּתוּלַת יִשְׂרָאֵל"
"עוֹד תַּעְדִּי תֻפַּיִךְ וְיָצָאת בִּמְחוֹל מְשַׂחֲקִים"
"עוֹד תִּטְּעִי כְרָמִים בְּהָרֵי שֹׁמְרוֹן נָטְעוּ נֹטְעִים וְחִלֵּלוּ"
"כִּי יֶשׁ-יוֹם קָרְאוּ נֹצְרִים בְּהַר אֶפְרָיִם"
"קוּמוּ וְנַעֲלֶה צִיּוֹן אֶל-יְהוָה אֱלֹהֵינוּ"...
(ירמיה לא' 5-2)