בקשו סליחות על-אף "לבב הקיפאון"

מאת: רמי ניר

אל:

סליחות... "כִּי לַיהוָה חָטָאוּ" אפשר לבקש כל לילה וכל יום ולאו דווקא לפני מועד מוסכם...
ואכן, "קָרוֹב יוֹם-יְהוָה הַגָּדוֹל" על-אף שאין אחד היודע מתי יבוא...
אולם, בקשת הסליחה הכנה בכוונת "בַּקְּשׁוּ-צֶדֶק בַּקְּשׁוּ עֲנָוָה" תיבחן באורו של הצדק האלוהי ובוודאי יבוא התגמול הראוי, הכדאיי, כאשר "אוּלַי תִּסָּתְרוּ בְּיוֹם אַף-יְהוָה"...

ואמנם כך מתועד:

וְהָיָה בָּעֵת הַהִיא אֲחַפֵּשׂ אֶת-יְרוּשָׁלִַם בַּנֵּרוֹת
וּפָקַדְתִּי עַל-הָאֲנָשִׁים הַקּוֹפְאִים עַל-שִׁמְרֵיהֶם הָאוֹמְרִים בִּלְבָבָם לֹא-יֵיטִיב יְהוָה וְלֹא יָרֵעַ
וְהָיָה חֵילָם לִמְשִׁסָּה וּבָתֵּיהֶם לִשְׁמָמָה וּבָנוּ בָתִּים וְלֹא יֵשֵׁבוּ וְנָטְעוּ כְרָמִים וְלֹא יִשְׁתּוּ אֶת-יֵינָם...

קָרוֹב יוֹם-יְהוָה הַגָּדוֹל
קָרוֹב וּמַהֵר מְאוֹד קוֹל יוֹם יְהוָה מַר צוֹרֵחַ שָׁם גִּבּוֹר
יוֹם עֶבְרָה הַיּוֹם הַהוּא
יוֹם צָרָה וּמְצוּקָה
יוֹם שׁוֹאָה וּמְשׁוֹאָה
יוֹם חוֹשֶׁךְ וַאֲפֵלָה
יוֹם עָנָן וַעֲרָפֶל
יוֹם שׁוֹפָר וּתְרוּעָה עַל הֶעָרִים הַבְּצֻרוֹת וְעַל הַפִּנּוֹת הַגְּבוֹהוֹת...

וַהֲצֵרוֹתִי לָאָדָם וְהָלְכוּ כַּעִוְרִים--כִּי לַיהוָה חָטָאוּ
וְשֻׁפַּךְ דָּמָם כֶּעָפָר וּלְחֻמָם כַּגְּלָלִים
גַּם-כַּסְפָּם גַּם-זְהָבָם לֹא-יוּכַל לְהַצִּילָם בְּיוֹם עֶבְרַת יְהוָה
וּבְאֵשׁ קִנְאָתוֹ תֵּאָכֵל כָּל-הָאָרֶץ
כִּי-כָלָה אַךְ-נִבְהָלָה יַעֲשֶׂה אֵת כָּל-יוֹשְׁבֵי הָאָרֶץ...

הִתְקוֹשְׁשׁוּ וָקוֹשּׁוּ--הַגּוֹי לֹא נִכְסָף
בְּטֶרֶם לֶדֶת חוֹק כְּמוֹץ עָבַר יוֹם
בְּטֶרֶם לֹא-יָבוֹא עֲלֵיכֶם חֲרוֹן אַף-יְהוָה
בְּטֶרֶם לֹא-יָבוֹא עֲלֵיכֶם יוֹם אַף-יְהוָה
בַּקְּשׁוּ אֶת-יְהוָה כָּל-עַנְוֵי הָאָרֶץ אֲשֶׁר מִשְׁפָּטוֹ פָּעָלוּ
בַּקְּשׁוּ-צֶדֶק בַּקְּשׁוּ עֲנָוָה--אוּלַי תִּסָּתְרוּ בְּיוֹם אַף-יְהוָה...

(צפניה)