אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | והנה איש אלהים בא מיהודה בדבר יהוה אל-בית-אל וירבעם עמד על-המזבח להקטיר. | אין ביאור עדיין - כתבו ביאור חדש |
| ב | ויקרא על-המזבח בדבר יהוה ויאמר מזבח מזבח כה אמר יהוה הנה-בן נולד לבית-דוד יאשיהו שמו וזבח עליך את-כהני הבמות המקטרים עליך ועצמות אדם ישרפו עליך. | אין ביאור עדיין - כתבו ביאור חדש |
| ג | ונתן ביום ההוא מופת לאמר זה המופת אשר דבר יהוה הנה המזבח נקרע ונשפך הדשן אשר-עליו. | אין ביאור עדיין - כתבו ביאור חדש |
| ד | ויהי כשמע המלך את-דבר איש-האלהים אשר קרא על-המזבח בבית-אל וישלח ירבעם את-ידו מעל המזבח לאמר תפשהו ותיבש ידו אשר שלח עליו ולא יכל להשיבה אליו. | אין ביאור עדיין - כתבו ביאור חדש |
| ה | והמזבח נקרע וישפך הדשן מן-המזבח כמופת אשר נתן איש האלהים בדבר יהוה. | אין ביאור עדיין - כתבו ביאור חדש |
| ו | ויען המלך ויאמר אל-איש האלהים חל-נא את-פני יהוה אלהיך והתפלל בעדי ותשב ידי אלי ויחל איש-האלהים את-פני יהוה ותשב יד-המלך אליו ותהי כבראשנה. | אין ביאור עדיין - כתבו ביאור חדש |
| ז | וידבר המלך אל-איש האלהים באה-אתי הביתה וסעדה ואתנה לך מתת. | אין ביאור עדיין - כתבו ביאור חדש |
| ח | ויאמר איש-האלהים אל-המלך אם-תתן-לי את-חצי ביתך לא אבא עמך ולא-אכל לחם ולא אשתה-מים במקום הזה. | אין ביאור עדיין - כתבו ביאור חדש |
| ט | כי-כן צוה אתי בדבר יהוה לאמר לא-תאכל לחם ולא תשתה-מים ולא תשוב בדרך אשר הלכת. | יש ביאור - קראו וערכו אותו |
| י | וילך בדרך אחר ולא-שב בדרך אשר בא בה אל-בית-אל. | אין ביאור עדיין - כתבו ביאור חדש |
| יא | ונביא אחד זקן ישב בבית-אל ויבוא בנו ויספר-לו את-כל-המעשה אשר-עשה איש-האלהים היום בבית-אל את-הדברים אשר דבר אל-המלך ויספרום לאביהם. | אין ביאור עדיין - כתבו ביאור חדש |
| יב | וידבר אלהם אביהם אי-זה הדרך הלך ויראו בניו את-הדרך אשר הלך איש האלהים אשר-בא מיהודה. | אין ביאור עדיין - כתבו ביאור חדש |
| יג | ויאמר אל-בניו חבשו-לי החמור ויחבשו-לו החמור וירכב עליו. | אין ביאור עדיין - כתבו ביאור חדש |
| יד | וילך אחרי איש האלהים וימצאהו ישב תחת האלה ויאמר אליו האתה איש-האלהים אשר-באת מיהודה ויאמר אני. | אין ביאור עדיין - כתבו ביאור חדש |
| טו | ויאמר אליו לך אתי הביתה ואכל לחם. | אין ביאור עדיין - כתבו ביאור חדש |
| טז | ויאמר לא אוכל לשוב אתך ולבוא אתך ולא-אכל לחם ולא-אשתה אתך מים במקום הזה. | יש ביאור - קראו וערכו אותו |
| יז | כי-דבר אלי בדבר יהוה לא-תאכל לחם ולא-תשתה שם מים לא-תשוב ללכת בדרך אשר-הלכת בה. | אין ביאור עדיין - כתבו ביאור חדש |
| יח | ויאמר לו גם-אני נביא כמוך ומלאך דבר אלי בדבר יהוה לאמר השבהו אתך אל-ביתך ויאכל לחם וישת מים כחש לו. | אין ביאור עדיין - כתבו ביאור חדש |
| יט | וישב אתו ויאכל לחם בביתו וישת מים. | יש ביאור - קראו וערכו אותו |
| כ | ויהי הם ישבים אל-השלחן ויהי דבר-יהוה אל-הנביא אשר השיבו. | אין ביאור עדיין - כתבו ביאור חדש |
| כא | ויקרא אל-איש האלהים אשר-בא מיהודה לאמר כה אמר יהוה יען כי מרית פי יהוה ולא שמרת את-המצוה אשר צוך יהוה אלהיך. | אין ביאור עדיין - כתבו ביאור חדש |
| כב | ותשב ותאכל לחם ותשת מים במקום אשר דבר אליך אל-תאכל לחם ואל-תשת מים לא-תבוא נבלתך אל-קבר אבתיך. | אין ביאור עדיין - כתבו ביאור חדש |
| כג | ויהי אחרי אכלו לחם ואחרי שתותו ויחבש-לו החמור לנביא אשר השיבו. | אין ביאור עדיין - כתבו ביאור חדש |
| כד | וילך וימצאהו אריה בדרך וימיתהו ותהי נבלתו משלכת בדרך והחמור עמד אצלה והאריה עמד אצל הנבלה. | אין ביאור עדיין - כתבו ביאור חדש |
| כה | והנה אנשים עברים ויראו את-הנבלה משלכת בדרך ואת-האריה עמד אצל הנבלה ויבאו וידברו בעיר אשר הנביא הזקן ישב בה. | אין ביאור עדיין - כתבו ביאור חדש |
| כו | וישמע הנביא אשר השיבו מן-הדרך ויאמר איש האלהים הוא אשר מרה את-פי יהוה ויתנהו יהוה לאריה וישברהו וימתהו כדבר יהוה אשר דבר-לו. | אין ביאור עדיין - כתבו ביאור חדש |
| כז | וידבר אל-בניו לאמר חבשו-לי את-החמור ויחבשו. | אין ביאור עדיין - כתבו ביאור חדש |
| כח | וילך וימצא את-נבלתו משלכת בדרך וחמור והאריה עמדים אצל הנבלה לא-אכל האריה את-הנבלה ולא שבר את-החמור. | אין ביאור עדיין - כתבו ביאור חדש |
| כט | וישא הנביא את-נבלת איש-האלהים וינחהו אל-החמור וישיבהו ויבא אל-עיר הנביא הזקן לספד ולקברו. | אין ביאור עדיין - כתבו ביאור חדש |
| ל | וינח את-נבלתו בקברו ויספדו עליו הוי אחי. | אין ביאור עדיין - כתבו ביאור חדש |
| לא | ויהי אחרי קברו אתו ויאמר אל-בניו לאמר במותי וקברתם אתי בקבר אשר איש האלהים קבור בו אצל עצמתיו הניחו את-עצמתי. | אין ביאור עדיין - כתבו ביאור חדש |
| לב | כי היה יהיה הדבר אשר קרא בדבר יהוה על-המזבח אשר בבית-אל ועל כל-בתי הבמות אשר בערי שמרון. | אין ביאור עדיין - כתבו ביאור חדש |
| לג | אחר הדבר הזה לא-שב ירבעם מדרכו הרעה וישב ויעש מקצות העם כהני במות החפץ ימלא את-ידו ויהי כהני במות. | אין ביאור עדיין - כתבו ביאור חדש |
| לד | ויהי בדבר הזה לחטאת בית ירבעם ולהכחיד ולהשמיד מעל פני האדמה. | אין ביאור עדיין - כתבו ביאור חדש |