אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | וידע יואב בן-צריה כי-לב המלך על-אבשלום. | אין ביאור עדיין - כתבו ביאור חדש |
| ב | וישלח יואב תקועה ויקח משם אשה חכמה ויאמר אליה התאבלי-נא ולבשי-נא בגדי-אבל ואל-תסוכי שמן והיית כאשה זה ימים רבים מתאבלת על-מת. | אין ביאור עדיין - כתבו ביאור חדש |
| ג | ובאת אל-המלך ודברת אליו כדבר הזה וישם יואב את-הדברים בפיה. | אין ביאור עדיין - כתבו ביאור חדש |
| ד | ותאמר האשה התקעית אל-המלך ותפל על-אפיה ארצה ותשתחו ותאמר הושעה המלך. | אין ביאור עדיין - כתבו ביאור חדש |
| ה | ויאמר-לה המלך מה-לך ותאמר אבל אשה-אלמנה אני וימת אישי. | אין ביאור עדיין - כתבו ביאור חדש |
| ו | ולשפחתך שני בנים וינצו שניהם בשדה ואין מציל ביניהם ויכו האחד את-האחד וימת אתו. | אין ביאור עדיין - כתבו ביאור חדש |
| ז | והנה קמה כל-המשפחה על-שפחתך ויאמרו תני את-מכה אחיו ונמתהו בנפש אחיו אשר הרג ונשמידה גם את-היורש וכבו את-גחלתי אשר נשארה לבלתי שום-לאישי שם ושארית על-פני האדמה. | אין ביאור עדיין - כתבו ביאור חדש |
| ח | ויאמר המלך אל-האשה לכי לביתך ואני אצוה עליך. | אין ביאור עדיין - כתבו ביאור חדש |
| ט | ותאמר האשה התקועית אל-המלך עלי אדני המלך העון ועל-בית אבי והמלך וכסאו נקי. | אין ביאור עדיין - כתבו ביאור חדש |
| י | ויאמר המלך המדבר אליך והבאתו אלי ולא-יסיף עוד לגעת בך. | אין ביאור עדיין - כתבו ביאור חדש |
| יא | ותאמר יזכר-נא המלך את-יהוה אלהיך מהרבית גאל הדם לשחת ולא ישמידו את-בני ויאמר חי-יהוה אם-יפל משערת בנך ארצה. | אין ביאור עדיין - כתבו ביאור חדש |
| יב | ותאמר האשה תדבר-נא שפחתך אל-אדני המלך דבר ויאמר דברי. | אין ביאור עדיין - כתבו ביאור חדש |
| יג | ותאמר האשה ולמה חשבתה כזאת על-עם אלהים ומדבר המלך הדבר הזה כאשם לבלתי השיב המלך את-נדחו. | אין ביאור עדיין - כתבו ביאור חדש |
| יד | כי-מות נמות וכמים הנגרים ארצה אשר לא יאספו ולא-ישא אלהים נפש וחשב מחשבות לבלתי ידח ממנו נדח. | אין ביאור עדיין - כתבו ביאור חדש |
| טו | ועתה אשר-באתי לדבר אל-המלך אדני את-הדבר הזה כי יראני העם ותאמר שפחתך אדברה-נא אל-המלך אולי יעשה המלך את-דבר אמתו. | אין ביאור עדיין - כתבו ביאור חדש |
| טז | כי ישמע המלך להציל את-אמתו מכף האיש להשמיד אתי ואת-בני יחד מנחלת אלהים. | אין ביאור עדיין - כתבו ביאור חדש |
| יז | ותאמר שפחתך יהיה-נא דבר-אדני המלך למנוחה כי כמלאך האלהים כן אדני המלך לשמע הטוב והרע ויהוה אלהיך יהי עמך. | אין ביאור עדיין - כתבו ביאור חדש |
| יח | ויען המלך ויאמר אל-האשה אל-נא תכחדי ממני דבר אשר אנכי שאל אתך ותאמר האשה ידבר-נא אדני המלך. | אין ביאור עדיין - כתבו ביאור חדש |
| יט | ויאמר המלך היד יואב אתך בכל-זאת ותען האשה ותאמר חי-נפשך אדני המלך אם-אש להמין ולהשמיל מכל אשר-דבר אדני המלך כי-עבדך יואב הוא צוני והוא שם בפי שפחתך את כל-הדברים האלה. | אין ביאור עדיין - כתבו ביאור חדש |
| כ | לבעבור סבב את-פני הדבר עשה עבדך יואב את-הדבר הזה ואדני חכם כחכמת מלאך האלהים לדעת את-כל-אשר בארץ. | אין ביאור עדיין - כתבו ביאור חדש |
| כא | ויאמר המלך אל-יואב הנה-נא עשיתי את-הדבר הזה ולך השב את-הנער את-אבשלום. | אין ביאור עדיין - כתבו ביאור חדש |
| כב | ויפל יואב אל-פניו ארצה וישתחו ויברך את-המלך ויאמר יואב היום ידע עבדך כי-מצאתי חן בעיניך אדני המלך אשר-עשה המלך את-דבר עבדו. | אין ביאור עדיין - כתבו ביאור חדש |
| כג | ויקם יואב וילך גשורה ויבא את-אבשלום ירושלם. | אין ביאור עדיין - כתבו ביאור חדש |
| כד | ויאמר המלך יסב אל-ביתו ופני לא יראה ויסב אבשלום אל-ביתו ופני המלך לא ראה. | אין ביאור עדיין - כתבו ביאור חדש |
| כה | וכאבשלום לא-היה איש-יפה בכל-ישראל להלל מאד מכף רגלו ועד קדקדו לא-היה בו מום. | אין ביאור עדיין - כתבו ביאור חדש |
| כו | ובגלחו את-ראשו והיה מקץ ימים לימים אשר יגלח כי-כבד עליו וגלחו ושקל את-שער ראשו מאתים שקלים באבן המלך. | אין ביאור עדיין - כתבו ביאור חדש |
| כז | ויולדו לאבשלום שלושה בנים ובת אחת ושמה תמר היא היתה אשה יפת מראה. | אין ביאור עדיין - כתבו ביאור חדש |
| כח | וישב אבשלום בירושלם שנתים ימים ופני המלך לא ראה. | אין ביאור עדיין - כתבו ביאור חדש |
| כט | וישלח אבשלום אל-יואב לשלח אתו אל-המלך ולא אבה לבוא אליו וישלח עוד שנית ולא אבה לבוא. | אין ביאור עדיין - כתבו ביאור חדש |
| ל | ויאמר אל-עבדיו ראו חלקת יואב אל-ידי ולו-שם שערים לכו והוצתיה באש ויצתו עבדי אבשלום את-החלקה באש. | אין ביאור עדיין - כתבו ביאור חדש |
| לא | ויקם יואב ויבא אל-אבשלום הביתה ויאמר אליו למה הציתו עבדך את-החלקה אשר-לי באש. | אין ביאור עדיין - כתבו ביאור חדש |
| לב | ויאמר אבשלום אל-יואב הנה שלחתי אליך לאמר בא הנה ואשלחה אתך אל-המלך לאמר למה באתי מגשור טוב לי עד אני-שם ועתה אראה פני המלך ואם-יש-בי עון והמתני. | אין ביאור עדיין - כתבו ביאור חדש |
| לג | ויבא יואב אל-המלך ויגד-לו ויקרא אל-אבשלום ויבא אל-המלך וישתחו לו על-אפיו ארצה לפני המלך וישק המלך לאבשלום. | אין ביאור עדיין - כתבו ביאור חדש |