אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויאספו פלשתים את-מחניהם למלחמה ויאספו שכה אשר ליהודה ויחנו בין-שוכה ובין-עזקה באפס דמים. | אין ביאור עדיין - כתבו ביאור חדש |
| ב | ושאול ואיש-ישראל נאספו ויחנו בעמק האלה ויערכו מלחמה לקראת פלשתים. | אין ביאור עדיין - כתבו ביאור חדש |
| ג | ופלשתים עמדים אל-ההר מזה וישראל עמדים אל-ההר מזה והגיא ביניהם. | אין ביאור עדיין - כתבו ביאור חדש |
| ד | ויצא איש-הבנים ממחנות פלשתים גלית שמו מגת גבהו שש אמות וזרת. | יש ביאור - קראו וערכו אותו |
| ה | וכובע נחשת על-ראשו ושריון קשקשים הוא לבוש ומשקל השריון חמשת-אלפים שקלים נחשת. | יש ביאור - קראו וערכו אותו |
| ו | ומצחת נחשת על-רגליו וכידון נחשת בין כתפיו. | יש ביאור - קראו וערכו אותו |
| ז | וחץ חניתו כמנור ארגים ולהבת חניתו שש-מאות שקלים ברזל ונשא הצנה הלך לפניו. | יש ביאור - קראו וערכו אותו |
| ח | ויעמד ויקרא אל-מערכת ישראל ויאמר להם למה תצאו לערך מלחמה הלוא אנכי הפלשתי ואתם עבדים לשאול ברו-לכם איש וירד אלי. | יש ביאור - קראו וערכו אותו |
| ט | אם-יוכל להלחם אתי והכני והיינו לכם לעבדים ואם-אני אוכל-לו והכיתיו והייתם לנו לעבדים ועבדתם אתנו. | יש ביאור - קראו וערכו אותו |
| י | ויאמר הפלשתי אני חרפתי את-מערכות ישראל היום הזה תנו-לי איש ונלחמה יחד. | יש ביאור - קראו וערכו אותו |
| יא | וישמע שאול וכל-ישראל את-דברי הפלשתי האלה ויחתו ויראו מאד. | יש ביאור - קראו וערכו אותו |
| יב | ודוד בן-איש אפרתי הזה מבית לחם יהודה ושמו ישי ולו שמנה בנים והאיש בימי שאול זקן בא באנשים. | יש ביאור - קראו וערכו אותו |
| יג | וילכו שלשת בני-ישי הגדלים הלכו אחרי-שאול למלחמה ושם שלשת בניו אשר הלכו במלחמה אליאב הבכור ומשנהו אבינדב והשלשי שמה. | יש ביאור - קראו וערכו אותו |
| יד | ודוד הוא הקטן ושלשה הגדלים הלכו אחרי שאול. | יש ביאור - קראו וערכו אותו |
| טו | ודוד הלך ושב מעל שאול לרעות את-צאן אביו בית-לחם. | יש ביאור - קראו וערכו אותו |
| טז | ויגש הפלשתי השכם והערב ויתיצב ארבעים יום. | יש ביאור - קראו וערכו אותו |
| יז | ויאמר ישי לדוד בנו קח-נא לאחיך איפת הקליא הזה ועשרה לחם הזה והרץ המחנה לאחיך. | יש ביאור - קראו וערכו אותו |
| יח | ואת עשרת חרצי החלב האלה תביא לשר-האלף ואת-אחיך תפקד לשלום ואת-ערבתם תקח. | יש ביאור - קראו וערכו אותו |
| יט | ושאול והמה וכל-איש ישראל בעמק האלה נלחמים עם-פלשתים. | יש ביאור - קראו וערכו אותו |
| כ | וישכם דוד בבקר ויטש את-הצאן על-שמר וישא וילך כאשר צוהו ישי ויבא המעגלה והחיל היצא אל-המערכה והרעו במלחמה. | יש ביאור - קראו וערכו אותו |
| כא | ותערך ישראל ופלשתים מערכה לקראת מערכה. | יש ביאור - קראו וערכו אותו |
| כב | ויטש דוד את-הכלים מעליו על-יד שומר הכלים וירץ המערכה ויבא וישאל לאחיו לשלום. | יש ביאור - קראו וערכו אותו |
| כג | והוא מדבר עמם והנה איש הבנים עולה גלית הפלשתי שמו מגת ממערות פלשתים וידבר כדברים האלה וישמע דוד. | יש ביאור - קראו וערכו אותו |
| כד | וכל איש ישראל בראותם את-האיש וינסו מפניו וייראו מאד. | יש ביאור - קראו וערכו אותו |
| כה | ויאמר איש ישראל הראיתם האיש העלה הזה כי לחרף את-ישראל עלה והיה האיש אשר-יכנו יעשרנו המלך עשר גדול ואת-בתו יתן-לו ואת בית אביו יעשה חפשי בישראל. | יש ביאור - קראו וערכו אותו |
| כו | ויאמר דוד אל-האנשים העמדים עמו לאמר מה-יעשה לאיש אשר יכה את-הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים. | יש ביאור - קראו וערכו אותו |
| כז | ויאמר לו העם כדבר הזה לאמר כה יעשה לאיש אשר יכנו. | יש ביאור - קראו וערכו אותו |
| כח | וישמע אליאב אחיו הגדול בדברו אל-האנשים ויחר-אף אליאב בדוד ויאמר למה-זה ירדת ועל-מי נטשת מעט הצאן ההנה במדבר אני ידעתי את-זדנך ואת רע לבבך כי למען ראות המלחמה ירדת. | יש ביאור - קראו וערכו אותו |
| כט | ויאמר דוד מה עשיתי עתה הלוא דבר הוא. | יש ביאור - קראו וערכו אותו |
| ל | ויסב מאצלו אל-מול אחר ויאמר כדבר הזה וישבהו העם דבר כדבר הראשון. | יש ביאור - קראו וערכו אותו |
| לא | וישמעו הדברים אשר דבר דוד ויגדו לפני-שאול ויקחהו. | יש ביאור - קראו וערכו אותו |
| לב | ויאמר דוד אל-שאול אל-יפל לב-אדם עליו עבדך ילך ונלחם עם-הפלשתי הזה. | יש ביאור - קראו וערכו אותו |
| לג | ויאמר שאול אל-דוד לא תוכל ללכת אל-הפלשתי הזה להלחם עמו כי-נער אתה והוא איש מלחמה מנעריו. | יש ביאור - קראו וערכו אותו |
| לד | ויאמר דוד אל-שאול רעה היה עבדך לאביו בצאן ובא הארי ואת-הדוב ונשא שה מהעדר. | יש ביאור - קראו וערכו אותו |
| לה | ויצאתי אחריו והכתיו והצלתי מפיו ויקם עלי והחזקתי בזקנו והכתיו והמיתיו. | יש ביאור - קראו וערכו אותו |
| לו | גם את-הארי גם-הדוב הכה עבדך והיה הפלשתי הערל הזה כאחד מהם כי חרף מערכת אלהים חיים. | יש ביאור - קראו וערכו אותו |
| לז | ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל-דוד לך ויהוה יהיה עמך. | יש ביאור - קראו וערכו אותו |
| לח | וילבש שאול את-דוד מדיו ונתן קובע נחשת על-ראשו וילבש אתו שריון. | יש ביאור - קראו וערכו אותו |
| לט | ויחגר דוד את-חרבו מעל למדיו ויאל ללכת כי לא-נסה ויאמר דוד אל-שאול לא אוכל ללכת באלה כי לא נסיתי ויסרם דוד מעליו. | יש ביאור - קראו וערכו אותו |
| מ | ויקח מקלו בידו ויבחר-לו חמשה חלקי-אבנים מן-הנחל וישם אתם בכלי הרעים אשר-לו ובילקוט וקלעו בידו ויגש אל-הפלשתי. | יש ביאור - קראו וערכו אותו |
| מא | וילך הפלשתי הלך וקרב אל-דוד והאיש נשא הצנה לפניו. | יש ביאור - קראו וערכו אותו |
| מב | ויבט הפלשתי ויראה את-דוד ויבזהו כי-היה נער ואדמני עם-יפה מראה. | יש ביאור - קראו וערכו אותו |
| מג | ויאמר הפלשתי אל-דוד הכלב אנכי כי-אתה בא-אלי במקלות ויקלל הפלשתי את-דוד באלהיו. | יש ביאור - קראו וערכו אותו |
| מד | ויאמר הפלשתי אל-דוד לכה אלי ואתנה את-בשרך לעוף השמים ולבהמת השדה. | יש ביאור - קראו וערכו אותו |
| מה | ויאמר דוד אל-הפלשתי אתה בא אלי בחרב ובחנית ובכידון ואנכי בא-אליך בשם יהוה צבאות אלהי מערכות ישראל אשר חרפת. | יש ביאור - קראו וערכו אותו |
| מו | היום הזה יסגרך יהוה בידי והכיתך והסרתי את-ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל-הארץ כי יש אלהים לישראל. | יש ביאור - קראו וערכו אותו |
| מז | וידעו כל-הקהל הזה כי-לא בחרב ובחנית יהושיע יהוה כי ליהוה המלחמה ונתן אתכם בידנו. | יש ביאור - קראו וערכו אותו |
| מח | והיה כי-קם הפלשתי וילך ויקרב לקראת דוד וימהר דוד וירץ המערכה לקראת הפלשתי. | יש ביאור - קראו וערכו אותו |
| מט | וישלח דוד את-ידו אל-הכלי ויקח משם אבן ויקלע ויך את-הפלשתי אל-מצחו ותטבע האבן במצחו ויפל על-פניו ארצה. | יש ביאור - קראו וערכו אותו |
| נ | ויחזק דוד מן-הפלשתי בקלע ובאבן ויך את-הפלשתי וימיתהו וחרב אין ביד-דוד. | יש ביאור - קראו וערכו אותו |
| נא | וירץ דוד ויעמד אל-הפלשתי ויקח את-חרבו וישלפה מתערה וימתתהו ויכרת-בה את-ראשו ויראו הפלשתים כי-מת גבורם וינסו. | יש ביאור - קראו וערכו אותו |
| נב | ויקמו אנשי ישראל ויהודה וירעו וירדפו את-הפלשתים עד-בואך גיא ועד שערי עקרון ויפלו חללי פלשתים בדרך שערים ועד-גת ועד-עקרון. | יש ביאור - קראו וערכו אותו |
| נג | וישבו בני ישראל מדלק אחרי פלשתים וישסו את-מחניהם. | אין ביאור עדיין - כתבו ביאור חדש |
| נד | ויקח דוד את-ראש הפלשתי ויבאהו ירושלם ואת-כליו שם באהלו. | אין ביאור עדיין - כתבו ביאור חדש |
| נה | וכראות שאול את-דוד יצא לקראת הפלשתי אמר אל-אבנר שר הצבא בן-מי-זה הנער אבנר ויאמר אבנר חי-נפשך המלך אם-ידעתי. | אין ביאור עדיין - כתבו ביאור חדש |
| נו | ויאמר המלך שאל אתה בן-מי-זה העלם. | אין ביאור עדיין - כתבו ביאור חדש |
| נז | וכשוב דוד מהכות את-הפלשתי ויקח אתו אבנר ויבאהו לפני שאול וראש הפלשתי בידו. | אין ביאור עדיין - כתבו ביאור חדש |
| נח | ויאמר אליו שאול בן-מי אתה הנער ויאמר דוד בן-עבדך ישי בית הלחמי. | אין ביאור עדיין - כתבו ביאור חדש |