אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ותתפלל חנה ותאמר עלץ לבי ביהוה רמה קרני ביהוה רחב פי על-אויבי כי שמחתי בישועתך. | אין ביאור עדיין - כתבו ביאור חדש |
| ב | אין-קדוש כיהוה כי אין בלתך ואין צור כאלהינו. | אין ביאור עדיין - כתבו ביאור חדש |
| ג | אל-תרבו תדברו גבהה גבהה יצא עתק מפיכם כי אל דעות יהוה ולא נתכנו עללות. | אין ביאור עדיין - כתבו ביאור חדש |
| ד | קשת גברים חתים ונכשלים אזרו חיל. | אין ביאור עדיין - כתבו ביאור חדש |
| ה | שבעים בלחם נשכרו ורעבים חדלו עד-עקרה ילדה שבעה ורבת בנים אמללה. | אין ביאור עדיין - כתבו ביאור חדש |
| ו | יהוה ממית ומחיה מוריד שאול ויעל. | אין ביאור עדיין - כתבו ביאור חדש |
| ז | יהוה מוריש ומעשיר משפיל אף-מרומם. | אין ביאור עדיין - כתבו ביאור חדש |
| ח | מקים מעפר דל מאשפת ירים אביון להושיב עם-נדיבים וכסא כבוד ינחלם כי ליהוה מצקי ארץ וישת עליהם תבל. | אין ביאור עדיין - כתבו ביאור חדש |
| ט | רגלי חסידו ישמר ורשעים בחשך ידמו כי-לא בכח יגבר-איש. | אין ביאור עדיין - כתבו ביאור חדש |
| י | יהוה יחתו מריבו עלו בשמים ירעם יהוה ידין אפסי-ארץ ויתן-עז למלכו וירם קרן משיחו. | אין ביאור עדיין - כתבו ביאור חדש |
| יא | וילך אלקנה הרמתה על-ביתו והנער היה משרת את-יהוה את-פני עלי הכהן. | אין ביאור עדיין - כתבו ביאור חדש |
| יב | ובני עלי בני בליעל לא ידעו את-יהוה. | אין ביאור עדיין - כתבו ביאור חדש |
| יג | ומשפט הכהנים את-העם כל-איש זבח זבח ובא נער הכהן כבשל הבשר והמזלג שלש-השנים בידו. | אין ביאור עדיין - כתבו ביאור חדש |
| יד | והכה בכיור או בדוד או בקלחת או בפרור כל אשר יעלה המזלג יקח הכהן בו ככה יעשו לכל-ישראל הבאים שם בשלה. | אין ביאור עדיין - כתבו ביאור חדש |
| טו | גם בטרם יקטרון את-החלב ובא נער הכהן ואמר לאיש הזבח תנה בשר לצלות לכהן ולא-יקח ממך בשר מבשל כי אם-חי. | יש ביאור - קראו וערכו אותו |
| טז | ויאמר אליו האיש קטר יקטירון כיום החלב וקח-לך כאשר תאוה נפשך ואמר לו כי עתה תתן ואם-לא לקחתי בחזקה. | יש ביאור - קראו וערכו אותו |
| יז | ותהי חטאת הנערים גדולה מאד את-פני יהוה כי נאצו האנשים את מנחת יהוה. | אין ביאור עדיין - כתבו ביאור חדש |
| יח | ושמואל משרת את-פני יהוה נער חגור אפוד בד. | אין ביאור עדיין - כתבו ביאור חדש |
| יט | ומעיל קטן תעשה-לו אמו והעלתה לו מימים ימימה בעלותה את-אישה לזבח את-זבח הימים. | אין ביאור עדיין - כתבו ביאור חדש |
| כ | וברך עלי את-אלקנה ואת-אשתו ואמר ישם יהוה לך זרע מן-האשה הזאת תחת השאלה אשר שאל ליהוה והלכו למקמו. | אין ביאור עדיין - כתבו ביאור חדש |
| כא | כי-פקד יהוה את-חנה ותהר ותלד שלשה-בנים ושתי בנות ויגדל הנער שמואל עם-יהוה. | אין ביאור עדיין - כתבו ביאור חדש |
| כב | ועלי זקן מאד ושמע את כל-אשר יעשון בניו לכל-ישראל ואת אשר-ישכבון את-הנשים הצבאות פתח אהל מועד. | אין ביאור עדיין - כתבו ביאור חדש |
| כג | ויאמר להם למה תעשון כדברים האלה אשר אנכי שמע את-דבריכם רעים מאת כל-העם אלה. | אין ביאור עדיין - כתבו ביאור חדש |
| כד | אל בני כי לוא-טובה השמעה אשר אנכי שמע מעברים עם-יהוה. | אין ביאור עדיין - כתבו ביאור חדש |
| כה | אם-יחטא איש לאיש ופללו אלהים ואם ליהוה יחטא-איש מי יתפלל-לו ולא ישמעו לקול אביהם כי-חפץ יהוה להמיתם. | יש ביאור - קראו וערכו אותו |
| כו | והנער שמואל הלך וגדל וטוב גם עם-יהוה וגם עם-אנשים. | אין ביאור עדיין - כתבו ביאור חדש |
| כז | ויבא איש-אלהים אל-עלי ויאמר אליו כה אמר יהוה הנגלה נגליתי אל-בית אביך בהיותם במצרים לבית פרעה. | אין ביאור עדיין - כתבו ביאור חדש |
| כח | ובחר אתו מכל-שבטי ישראל לי לכהן לעלות על-מזבחי להקטיר קטרת לשאת אפוד לפני ואתנה לבית אביך את-כל-אשי בני ישראל. | אין ביאור עדיין - כתבו ביאור חדש |
| כט | למה תבעטו בזבחי ובמנחתי אשר צויתי מעון ותכבד את-בניך ממני להבריאכם מראשית כל-מנחת ישראל לעמי. | אין ביאור עדיין - כתבו ביאור חדש |
| ל | לכן נאם-יהוה אלהי ישראל אמור אמרתי ביתך ובית אביך יתהלכו לפני עד-עולם ועתה נאם-יהוה חלילה לי כי-מכבדי אכבד ובזי יקלו. | אין ביאור עדיין - כתבו ביאור חדש |
| לא | הנה ימים באים וגדעתי את-זרעך ואת-זרע בית אביך מהיות זקן בביתך. | אין ביאור עדיין - כתבו ביאור חדש |
| לב | והבטת צר מעון בכל אשר-ייטיב את-ישראל ולא-יהיה זקן בביתך כל-הימים. | אין ביאור עדיין - כתבו ביאור חדש |
| לג | ואיש לא-אכרית לך מעם מזבחי לכלות את-עיניך ולאדיב את-נפשך וכל-מרבית ביתך ימותו אנשים. | אין ביאור עדיין - כתבו ביאור חדש |
| לד | וזה-לך האות אשר יבא אל-שני בניך אל-חפני ופינחס ביום אחד ימותו שניהם. | אין ביאור עדיין - כתבו ביאור חדש |
| לה | והקימתי לי כהן נאמן כאשר בלבבי ובנפשי יעשה ובניתי לו בית נאמן והתהלך לפני-משיחי כל-הימים. | אין ביאור עדיין - כתבו ביאור חדש |
| לו | והיה כל-הנותר בביתך יבוא להשתחות לו לאגורת כסף וככר-לחם ואמר ספחני נא אל-אחת הכהנות לאכל פת-לחם. | אין ביאור עדיין - כתבו ביאור חדש |