אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | וישלח המלך ויאספו אליו כל-זקני יהודה וירושלם. | אין ביאור עדיין - כתבו ביאור חדש |
| ב | ויעל המלך בית-יהוה וכל-איש יהודה וכל-ישבי ירושלם אתו והכהנים והנביאים וכל-העם למקטן ועד-גדול ויקרא באזניהם את-כל-דברי ספר הברית הנמצא בבית יהוה. | אין ביאור עדיין - כתבו ביאור חדש |
| ג | ויעמד המלך על-העמוד ויכרת את-הברית לפני יהוה ללכת אחר יהוה ולשמר מצותיו ואת-עדותיו ואת-חקתיו בכל-לב ובכל-נפש להקים את-דברי הברית הזאת הכתבים על-הספר הזה ויעמד כל-העם בברית. | אין ביאור עדיין - כתבו ביאור חדש |
| ד | ויצו המלך את-חלקיהו הכהן הגדול ואת-כהני המשנה ואת-שמרי הסף להוציא מהיכל יהוה את כל-הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את-עפרם בית-אל. | אין ביאור עדיין - כתבו ביאור חדש |
| ה | והשבית את-הכמרים אשר נתנו מלכי יהודה ויקטר בבמות בערי יהודה ומסבי ירושלם ואת-המקטרים לבעל לשמש ולירח ולמזלות ולכל צבא השמים. | אין ביאור עדיין - כתבו ביאור חדש |
| ו | ויצא את-האשרה מבית יהוה מחוץ לירושלם אל-נחל קדרון וישרף אתה בנחל קדרון וידק לעפר וישלך את-עפרה על-קבר בני העם. | אין ביאור עדיין - כתבו ביאור חדש |
| ז | ויתץ את-בתי הקדשים אשר בבית יהוה אשר הנשים ארגות שם בתים לאשרה. | אין ביאור עדיין - כתבו ביאור חדש |
| ח | ויבא את-כל-הכהנים מערי יהודה ויטמא את-הבמות אשר קטרו-שמה הכהנים מגבע עד-באר שבע ונתץ את-במות השערים אשר-פתח שער יהושע שר-העיר אשר-על-שמאול איש בשער העיר. | אין ביאור עדיין - כתבו ביאור חדש |
| ט | אך לא יעלו כהני הבמות אל-מזבח יהוה בירושלם כי אם-אכלו מצות בתוך אחיהם. | אין ביאור עדיין - כתבו ביאור חדש |
| י | וטמא את-התפת אשר בגי בני-הנם לבלתי להעביר איש את-בנו ואת-בתו באש למלך. | אין ביאור עדיין - כתבו ביאור חדש |
| יא | וישבת את-הסוסים אשר נתנו מלכי יהודה לשמש מבא בית-יהוה אל-לשכת נתן-מלך הסריס אשר בפרורים ואת-מרכבות השמש שרף באש. | אין ביאור עדיין - כתבו ביאור חדש |
| יב | ואת-המזבחות אשר על-הגג עלית אחז אשר-עשו מלכי יהודה ואת-המזבחות אשר-עשה מנשה בשתי חצרות בית-יהוה נתץ המלך וירץ משם והשליך את-עפרם אל-נחל קדרון. | אין ביאור עדיין - כתבו ביאור חדש |
| יג | ואת-הבמות אשר על-פני ירושלם אשר מימין להר-המשחית אשר בנה שלמה מלך-ישראל לעשתרת שקץ צידנים ולכמוש שקץ מואב ולמלכם תועבת בני-עמון טמא המלך. | אין ביאור עדיין - כתבו ביאור חדש |
| יד | ושבר את-המצבות ויכרת את-האשרים וימלא את-מקומם עצמות אדם. | אין ביאור עדיין - כתבו ביאור חדש |
| טו | וגם את-המזבח אשר בבית-אל הבמה אשר עשה ירבעם בן-נבט אשר החטיא את-ישראל גם את-המזבח ההוא ואת-הבמה נתץ וישרף את-הבמה הדק לעפר ושרף אשרה. | אין ביאור עדיין - כתבו ביאור חדש |
| טז | ויפן יאשיהו וירא את-הקברים אשר-שם בהר וישלח ויקח את-העצמות מן-הקברים וישרף על-המזבח ויטמאהו כדבר יהוה אשר קרא איש האלהים אשר קרא את-הדברים האלה. | אין ביאור עדיין - כתבו ביאור חדש |
| יז | ויאמר מה הציון הלז אשר אני ראה ויאמרו אליו אנשי העיר הקבר איש-האלהים אשר-בא מיהודה ויקרא את-הדברים האלה אשר עשית על המזבח בית-אל. | אין ביאור עדיין - כתבו ביאור חדש |
| יח | ויאמר הניחו לו איש אל-ינע עצמתיו וימלטו עצמתיו את עצמות הנביא אשר-בא משמרון. | אין ביאור עדיין - כתבו ביאור חדש |
| יט | וגם את-כל-בתי הבמות אשר בערי שמרון אשר עשו מלכי ישראל להכעיס הסיר יאשיהו ויעש להם ככל-המעשים אשר עשה בבית-אל. | אין ביאור עדיין - כתבו ביאור חדש |
| כ | ויזבח את-כל-כהני הבמות אשר-שם על-המזבחות וישרף את-עצמות אדם עליהם וישב ירושלם. | אין ביאור עדיין - כתבו ביאור חדש |
| כא | ויצו המלך את-כל-העם לאמר עשו פסח ליהוה אלהיכם ככתוב על ספר הברית הזה. | אין ביאור עדיין - כתבו ביאור חדש |
| כב | כי לא נעשה כפסח הזה מימי השפטים אשר שפטו את-ישראל וכל ימי מלכי ישראל ומלכי יהודה. | אין ביאור עדיין - כתבו ביאור חדש |
| כג | כי אם-בשמנה עשרה שנה למלך יאשיהו נעשה הפסח הזה ליהוה בירושלם. | אין ביאור עדיין - כתבו ביאור חדש |
| כד | וגם את-האבות ואת-הידענים ואת-התרפים ואת-הגללים ואת כל-השקצים אשר נראו בארץ יהודה ובירושלם בער יאשיהו למען הקים את-דברי התורה הכתבים על-הספר אשר מצא חלקיהו הכהן בית יהוה. | אין ביאור עדיין - כתבו ביאור חדש |
| כה | וכמהו לא-היה לפניו מלך אשר-שב אל-יהוה בכל-לבבו ובכל-נפשו ובכל-מאדו ככל תורת משה ואחריו לא-קם כמהו. | אין ביאור עדיין - כתבו ביאור חדש |
| כו | אך לא-שב יהוה מחרון אפו הגדול אשר-חרה אפו ביהודה על כל-הכעסים אשר הכעיסו מנשה. | אין ביאור עדיין - כתבו ביאור חדש |
| כז | ויאמר יהוה גם את-יהודה אסיר מעל פני כאשר הסרתי את-ישראל ומאסתי את-העיר הזאת אשר-בחרתי את-ירושלם ואת-הבית אשר אמרתי יהיה שמי שם. | אין ביאור עדיין - כתבו ביאור חדש |
| כח | ויתר דברי יאשיהו וכל-אשר עשה הלא-הם כתובים על-ספר דברי הימים למלכי יהודה. | אין ביאור עדיין - כתבו ביאור חדש |
| כט | בימיו עלה פרעה נכה מלך-מצרים על-מלך אשור על-נהר-פרת וילך המלך יאשיהו לקראתו וימיתהו במגדו כראתו אתו. | אין ביאור עדיין - כתבו ביאור חדש |
| ל | וירכבהו עבדיו מת ממגדו ויבאהו ירושלם ויקברהו בקברתו ויקח עם-הארץ את-יהואחז בן-יאשיהו וימשחו אתו וימליכו אתו תחת אביו. | אין ביאור עדיין - כתבו ביאור חדש |
| לא | בן-עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת-ירמיהו מלבנה. | אין ביאור עדיין - כתבו ביאור חדש |
| לב | ויעש הרע בעיני יהוה ככל אשר-עשו אבתיו. | אין ביאור עדיין - כתבו ביאור חדש |
| לג | ויאסרהו פרעה נכה ברבלה בארץ חמת במלך בירושלם ויתן-ענש על-הארץ מאה ככר-כסף וככר זהב. | אין ביאור עדיין - כתבו ביאור חדש |
| לד | וימלך פרעה נכה את-אליקים בן-יאשיהו תחת יאשיהו אביו ויסב את-שמו יהויקים ואת-יהואחז לקח ויבא מצרים וימת שם. | אין ביאור עדיין - כתבו ביאור חדש |
| לה | והכסף והזהב נתן יהויקים לפרעה אך העריך את-הארץ לתת את-הכסף על-פי פרעה איש כערכו נגש את-הכסף ואת-הזהב את-עם הארץ לתת לפרעה נכה. | אין ביאור עדיין - כתבו ביאור חדש |
| לו | בן-עשרים וחמש שנה יהויקים במלכו ואחת עשרה שנה מלך בירושלם ושם אמו זבידה בת-פדיה מן-רומה. | אין ביאור עדיין - כתבו ביאור חדש |
| לז | ויעש הרע בעיני יהוה ככל אשר-עשו אבתיו. | אין ביאור עדיין - כתבו ביאור חדש |