אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויהי רעב בארץ מלבד הרעב הראשון אשר היה בימי אברהם וילך יצחק אל-אבימלך מלך-פלשתים גררה. | יש ביאור - קראו וערכו אותו |
| ב | וירא אליו יהוה ויאמר אל-תרד מצרימה שכן בארץ אשר אמר אליך. | יש ביאור - קראו וערכו אותו |
| ג | גור בארץ הזאת ואהיה עמך ואברכך כי-לך ולזרעך אתן את-כל-הארצת האל והקמתי את-השבעה אשר נשבעתי לאברהם אביך. | יש ביאור - קראו וערכו אותו |
| ד | והרביתי את-זרעך ככוכבי השמים ונתתי לזרעך את כל-הארצת האל והתברכו בזרעך כל גויי הארץ. | יש ביאור - קראו וערכו אותו |
| ה | עקב אשר-שמע אברהם בקלי וישמר משמרתי מצותי חקותי ותורתי. | יש ביאור - קראו וערכו אותו |
| ו | וישב יצחק בגרר. | יש ביאור - קראו וערכו אותו |
| ז | וישאלו אנשי המקום לאשתו ויאמר אחתי הוא כי ירא לאמר אשתי פן-יהרגני אנשי המקום על-רבקה כי-טובת מראה הוא. | יש ביאור - קראו וערכו אותו |
| ח | ויהי כי ארכו-לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו. | יש ביאור - קראו וערכו אותו |
| ט | ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן-אמות עליה. | יש ביאור - קראו וערכו אותו |
| י | ויאמר אבימלך מה-זאת עשית לנו כמעט שכב אחד העם את-אשתך והבאת עלינו אשם. | יש ביאור - קראו וערכו אותו |
| יא | ויצו אבימלך את-כל-העם לאמר הנגע באיש הזה ובאשתו מות יומת. | יש ביאור - קראו וערכו אותו |
| יב | ויזרע יצחק בארץ ההוא וימצא בשנה ההוא מאה שערים ויברכהו יהוה. | יש ביאור - קראו וערכו אותו |
| יג | ויגדל האיש וילך הלוך וגדל עד כי-גדל מאד. | יש ביאור - קראו וערכו אותו |
| יד | ויהי-לו מקנה-צאן ומקנה בקר ועבדה רבה ויקנאו אתו פלשתים. | יש ביאור - קראו וערכו אותו |
| טו | וכל-הבארת אשר חפרו עבדי אביו בימי אברהם אביו סתמום פלשתים וימלאום עפר. | יש ביאור - קראו וערכו אותו |
| טז | ויאמר אבימלך אל-יצחק לך מעמנו כי-עצמת-ממנו מאד. | יש ביאור - קראו וערכו אותו |
| יז | וילך משם יצחק ויחן בנחל-גרר וישב שם. | יש ביאור - קראו וערכו אותו |
| יח | וישב יצחק ויחפר את-בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר-קרא להן אביו. | יש ביאור - קראו וערכו אותו |
| יט | ויחפרו עבדי-יצחק בנחל וימצאו-שם באר מים חיים. | יש ביאור - קראו וערכו אותו |
| כ | ויריבו רעי גרר עם-רעי יצחק לאמר לנו המים ויקרא שם-הבאר עשק כי התעשקו עמו. | יש ביאור - קראו וערכו אותו |
| כא | ויחפרו באר אחרת ויריבו גם-עליה ויקרא שמה שטנה. | יש ביאור - קראו וערכו אותו |
| כב | ויעתק משם ויחפר באר אחרת ולא רבו עליה ויקרא שמה רחבות ויאמר כי-עתה הרחיב יהוה לנו ופרינו בארץ. | יש ביאור - קראו וערכו אותו |
| כג | ויעל משם באר שבע. | יש ביאור - קראו וערכו אותו |
| כד | וירא אליו יהוה בלילה ההוא ויאמר אנכי אלהי אברהם אביך אל-תירא כי-אתך אנכי וברכתיך והרביתי את-זרעך בעבור אברהם עבדי. | יש ביאור - קראו וערכו אותו |
| כה | ויבן שם מזבח ויקרא בשם יהוה ויט-שם אהלו ויכרו-שם עבדי-יצחק באר. | יש ביאור - קראו וערכו אותו |
| כו | ואבימלך הלך אליו מגרר ואחזת מרעהו ופיכל שר-צבאו. | יש ביאור - קראו וערכו אותו |
| כז | ויאמר אלהם יצחק מדוע באתם אלי ואתם שנאתם אתי ותשלחוני מאתכם. | יש ביאור - קראו וערכו אותו |
| כח | ויאמרו ראו ראינו כי-היה יהוה עמך ונאמר תהי נא אלה בינותינו בינינו ובינך ונכרתה ברית עמך. | יש ביאור - קראו וערכו אותו |
| כט | אם-תעשה עמנו רעה כאשר לא נגענוך וכאשר עשינו עמך רק-טוב ונשלחך בשלום אתה עתה ברוך יהוה. | יש ביאור - קראו וערכו אותו |
| ל | ויעש להם משתה ויאכלו וישתו. | יש ביאור - קראו וערכו אותו |
| לא | וישכימו בבקר וישבעו איש לאחיו וישלחם יצחק וילכו מאתו בשלום. | יש ביאור - קראו וערכו אותו |
| לב | ויהי ביום ההוא ויבאו עבדי יצחק ויגדו לו על-אדות הבאר אשר חפרו ויאמרו לו מצאנו מים. | יש ביאור - קראו וערכו אותו |
| לג | ויקרא אתה שבעה על-כן שם-העיר באר שבע עד היום הזה. | יש ביאור - קראו וערכו אותו |
| לד | ויהי עשו בן-ארבעים שנה ויקח אשה את-יהודית בת-בארי החתי ואת-בשמת בת-אילן החתי. | יש ביאור - קראו וערכו אותו |
| לה | ותהיין מרת רוח ליצחק ולרבקה. | יש ביאור - קראו וערכו אותו |