אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויהי כי-זקן יצחק ותכהין עיניו מראת ויקרא את-עשו בנו הגדל ויאמר אליו בני ויאמר אליו הנני. | יש ביאור - קראו וערכו אותו |
| ב | ויאמר הנה-נא זקנתי לא ידעתי יום מותי. | יש ביאור - קראו וערכו אותו |
| ג | ועתה שא-נא כליך תליך וקשתך וצא השדה וצודה לי צידה. | יש ביאור - קראו וערכו אותו |
| ד | ועשה-לי מטעמים כאשר אהבתי והביאה לי ואכלה בעבור תברכך נפשי בטרם אמות. | יש ביאור - קראו וערכו אותו |
| ה | ורבקה שמעת בדבר יצחק אל-עשו בנו וילך עשו השדה לצוד ציד להביא. | יש ביאור - קראו וערכו אותו |
| ו | ורבקה אמרה אל-יעקב בנה לאמר הנה שמעתי את-אביך מדבר אל-עשו אחיך לאמר. | יש ביאור - קראו וערכו אותו |
| ז | הביאה לי ציד ועשה-לי מטעמים ואכלה ואברככה לפני יהוה לפני מותי. | יש ביאור - קראו וערכו אותו |
| ח | ועתה בני שמע בקלי לאשר אני מצוה אתך. | יש ביאור - קראו וערכו אותו |
| ט | לך-נא אל-הצאן וקח-לי משם שני גדיי עזים טבים ואעשה אתם מטעמים לאביך כאשר אהב. | יש ביאור - קראו וערכו אותו |
| י | והבאת לאביך ואכל בעבר אשר יברכך לפני מותו. | יש ביאור - קראו וערכו אותו |
| יא | ויאמר יעקב אל-רבקה אמו הן עשו אחי איש שער ואנכי איש חלק. | יש ביאור - קראו וערכו אותו |
| יב | אולי ימשני אבי והייתי בעיניו כמתעתע והבאתי עלי קללה ולא ברכה. | יש ביאור - קראו וערכו אותו |
| יג | ותאמר לו אמו עלי קללתך בני אך שמע בקלי ולך קח-לי. | יש ביאור - קראו וערכו אותו |
| יד | וילך ויקח ויבא לאמו ותעש אמו מטעמים כאשר אהב אביו. | יש ביאור - קראו וערכו אותו |
| טו | ותקח רבקה את-בגדי עשו בנה הגדל החמדת אשר אתה בבית ותלבש את-יעקב בנה הקטן. | יש ביאור - קראו וערכו אותו |
| טז | ואת ערת גדיי העזים הלבישה על-ידיו ועל חלקת צואריו. | יש ביאור - קראו וערכו אותו |
| יז | ותתן את-המטעמים ואת-הלחם אשר עשתה ביד יעקב בנה. | יש ביאור - קראו וערכו אותו |
| יח | ויבא אל-אביו ויאמר אבי ויאמר הנני מי אתה בני. | יש ביאור - קראו וערכו אותו |
| יט | ויאמר יעקב אל-אביו אנכי עשו בכרך עשיתי כאשר דברת אלי קום-נא שבה ואכלה מצידי בעבור תברכני נפשך. | יש ביאור - קראו וערכו אותו |
| כ | ויאמר יצחק אל-בנו מה-זה מהרת למצא בני ויאמר כי הקרה יהוה אלהיך לפני. | יש ביאור - קראו וערכו אותו |
| כא | ויאמר יצחק אל-יעקב גשה-נא ואמשך בני האתה זה בני עשו אם-לא. | יש ביאור - קראו וערכו אותו |
| כב | ויגש יעקב אל-יצחק אביו וימשהו ויאמר הקל קול יעקב והידים ידי עשו. | יש ביאור - קראו וערכו אותו |
| כג | ולא הכירו כי-היו ידיו כידי עשו אחיו שערת ויברכהו. | יש ביאור - קראו וערכו אותו |
| כד | ויאמר אתה זה בני עשו ויאמר אני. | יש ביאור - קראו וערכו אותו |
| כה | ויאמר הגשה לי ואכלה מציד בני למען תברכך נפשי ויגש-לו ויאכל ויבא לו יין וישת. | יש ביאור - קראו וערכו אותו |
| כו | ויאמר אליו יצחק אביו גשה-נא ושקה-לי בני. | יש ביאור - קראו וערכו אותו |
| כז | ויגש וישק-לו וירח את-ריח בגדיו ויברכהו ויאמר ראה ריח בני כריח שדה אשר ברכו יהוה. | יש ביאור - קראו וערכו אותו |
| כח | ויתן-לך האלהים מטל השמים ומשמני הארץ ורב דגן ותירש. | יש ביאור - קראו וערכו אותו |
| כט | יעבדוך עמים וישתחו לך לאמים הוה גביר לאחיך וישתחוו לך בני אמך ארריך ארור ומברכיך ברוך. | יש ביאור - קראו וערכו אותו |
| ל | ויהי כאשר כלה יצחק לברך את-יעקב ויהי אך יצא יצא יעקב מאת פני יצחק אביו ועשו אחיו בא מצידו. | יש ביאור - קראו וערכו אותו |
| לא | ויעש גם-הוא מטעמים ויבא לאביו ויאמר לאביו יקם אבי ויאכל מציד בנו בעבר תברכני נפשך. | יש ביאור - קראו וערכו אותו |
| לב | ויאמר לו יצחק אביו מי-אתה ויאמר אני בנך בכרך עשו. | יש ביאור - קראו וערכו אותו |
| לג | ויחרד יצחק חרדה גדלה עד-מאד ויאמר מי-אפוא הוא הצד-ציד ויבא לי ואכל מכל בטרם תבוא ואברכהו גם-ברוך יהיה. | יש ביאור - קראו וערכו אותו |
| לד | כשמע עשו את-דברי אביו ויצעק צעקה גדלה ומרה עד-מאד ויאמר לאביו ברכני גם-אני אבי. | יש ביאור - קראו וערכו אותו |
| לה | ויאמר בא אחיך במרמה ויקח ברכתך. | יש ביאור - קראו וערכו אותו |
| לו | ויאמר הכי קרא שמו יעקב ויעקבני זה פעמים את-בכרתי לקח והנה עתה לקח ברכתי ויאמר הלא-אצלת לי ברכה. | יש ביאור - קראו וערכו אותו |
| לז | ויען יצחק ויאמר לעשו הן גביר שמתיו לך ואת-כל-אחיו נתתי לו לעבדים ודגן ותירש סמכתיו ולכה אפוא מה אעשה בני. | יש ביאור - קראו וערכו אותו |
| לח | ויאמר עשו אל-אביו הברכה אחת הוא-לך אבי ברכני גם-אני אבי וישא עשו קלו ויבך. | יש ביאור - קראו וערכו אותו |
| לט | ויען יצחק אביו ויאמר אליו הנה משמני הארץ יהיה מושבך ומטל השמים מעל. | יש ביאור - קראו וערכו אותו |
| מ | ועל-חרבך תחיה ואת-אחיך תעבד והיה כאשר תריד ופרקת עלו מעל צוארך. | יש ביאור - קראו וערכו אותו |
| מא | וישטם עשו את-יעקב על-הברכה אשר ברכו אביו ויאמר עשו בלבו יקרבו ימי אבל אבי ואהרגה את-יעקב אחי. | יש ביאור - קראו וערכו אותו |
| מב | ויגד לרבקה את-דברי עשו בנה הגדל ותשלח ותקרא ליעקב בנה הקטן ותאמר אליו הנה עשו אחיך מתנחם לך להרגך. | יש ביאור - קראו וערכו אותו |
| מג | ועתה בני שמע בקלי וקום ברח-לך אל-לבן אחי חרנה. | יש ביאור - קראו וערכו אותו |
| מד | וישבת עמו ימים אחדים עד אשר-תשוב חמת אחיך. | יש ביאור - קראו וערכו אותו |
| מה | עד-שוב אף-אחיך ממך ושכח את אשר-עשית לו ושלחתי ולקחתיך משם למה אשכל גם-שניכם יום אחד. | יש ביאור - קראו וערכו אותו |
| מו | ותאמר רבקה אל-יצחק קצתי בחיי מפני בנות חת אם-לקח יעקב אשה מבנות-חת כאלה מבנות הארץ למה לי חיים. | יש ביאור - קראו וערכו אותו |