אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויהי בימים ההם ויקבצו פלשתים את-מחניהם לצבא להלחם בישראל ויאמר אכיש אל-דוד ידע תדע כי אתי תצא במחנה אתה ואנשיך. | אין ביאור עדיין - כתבו ביאור חדש |
| ב | ויאמר דוד אל-אכיש לכן אתה תדע את אשר-יעשה עבדך ויאמר אכיש אל-דוד לכן שמר לראשי אשימך כל-הימים. | אין ביאור עדיין - כתבו ביאור חדש |
| ג | ושמואל מת ויספדו-לו כל-ישראל ויקברהו ברמה ובעירו ושאול הסיר האבות ואת-הידענים מהארץ. | אין ביאור עדיין - כתבו ביאור חדש |
| ד | ויקבצו פלשתים ויבאו ויחנו בשונם ויקבץ שאול את-כל-ישראל ויחנו בגלבע. | אין ביאור עדיין - כתבו ביאור חדש |
| ה | וירא שאול את-מחנה פלשתים וירא ויחרד לבו מאד. | אין ביאור עדיין - כתבו ביאור חדש |
| ו | וישאל שאול ביהוה ולא ענהו יהוה גם בחלמות גם באורים גם בנביאם. | אין ביאור עדיין - כתבו ביאור חדש |
| ז | ויאמר שאול לעבדיו בקשו-לי אשת בעלת-אוב ואלכה אליה ואדרשה-בה ויאמרו עבדיו אליו הנה אשת בעלת-אוב בעין דור. | אין ביאור עדיין - כתבו ביאור חדש |
| ח | ויתחפש שאול וילבש בגדים אחרים וילך הוא ושני אנשים עמו ויבאו אל-האשה לילה ויאמר קסומי-נא לי באוב והעלי לי את אשר-אמר אליך. | אין ביאור עדיין - כתבו ביאור חדש |
| ט | ותאמר האשה אליו הנה אתה ידעת את אשר-עשה שאול אשר הכרית את-האבות ואת-הידעני מן-הארץ ולמה אתה מתנקש בנפשי להמיתני. | אין ביאור עדיין - כתבו ביאור חדש |
| י | וישבע לה שאול ביהוה לאמר חי-יהוה אם-יקרך עון בדבר הזה. | אין ביאור עדיין - כתבו ביאור חדש |
| יא | ותאמר האשה את-מי אעלה-לך ויאמר את-שמואל העלי-לי. | אין ביאור עדיין - כתבו ביאור חדש |
| יב | ותרא האשה את-שמואל ותזעק בקול גדול ותאמר האשה אל-שאול לאמר למה רמיתני ואתה שאול. | אין ביאור עדיין - כתבו ביאור חדש |
| יג | ויאמר לה המלך אל-תיראי כי מה ראית ותאמר האשה אל-שאול אלהים ראיתי עלים מן-הארץ. | אין ביאור עדיין - כתבו ביאור חדש |
| יד | ויאמר לה מה-תארו ותאמר איש זקן עלה והוא עטה מעיל וידע שאול כי-שמואל הוא ויקד אפים ארצה וישתחו. | אין ביאור עדיין - כתבו ביאור חדש |
| טו | ויאמר שמואל אל-שאול למה הרגזתני להעלות אתי ויאמר שאול צר-לי מאד ופלשתים נלחמים בי ואלהים סר מעלי ולא-ענני עוד גם ביד-הנביאם גם-בחלמות ואקראה לך להודיעני מה אעשה. | אין ביאור עדיין - כתבו ביאור חדש |
| טז | ויאמר שמואל ולמה תשאלני ויהוה סר מעליך ויהי ערך. | אין ביאור עדיין - כתבו ביאור חדש |
| יז | ויעש יהוה לו כאשר דבר בידי ויקרע יהוה את-הממלכה מידך ויתנה לרעך לדוד. | אין ביאור עדיין - כתבו ביאור חדש |
| יח | כאשר לא-שמעת בקול יהוה ולא-עשית חרון-אפו בעמלק על-כן הדבר הזה עשה-לך יהוה היום הזה. | אין ביאור עדיין - כתבו ביאור חדש |
| יט | ויתן יהוה גם את-ישראל עמך ביד-פלשתים ומחר אתה ובניך עמי גם את-מחנה ישראל יתן יהוה ביד-פלשתים. | אין ביאור עדיין - כתבו ביאור חדש |
| כ | וימהר שאול ויפל מלא-קומתו ארצה וירא מאד מדברי שמואל גם-כח לא-היה בו כי לא אכל לחם כל-היום וכל-הלילה. | אין ביאור עדיין - כתבו ביאור חדש |
| כא | ותבוא האשה אל-שאול ותרא כי-נבהל מאד ותאמר אליו הנה שמעה שפחתך בקולך ואשים נפשי בכפי ואשמע את-דבריך אשר דברת אלי. | אין ביאור עדיין - כתבו ביאור חדש |
| כב | ועתה שמע-נא גם-אתה בקול שפחתך ואשמה לפניך פת-לחם ואכול ויהי בך כח כי תלך בדרך. | אין ביאור עדיין - כתבו ביאור חדש |
| כג | וימאן ויאמר לא אכל ויפרצו-בו עבדיו וגם-האשה וישמע לקלם ויקם מהארץ וישב אל-המטה. | אין ביאור עדיין - כתבו ביאור חדש |
| כד | ולאשה עגל-מרבק בבית ותמהר ותזבחהו ותקח-קמח ותלש ותפהו מצות. | אין ביאור עדיין - כתבו ביאור חדש |
| כה | ותגש לפני-שאול ולפני עבדיו ויאכלו ויקמו וילכו בלילה ההוא. | אין ביאור עדיין - כתבו ביאור חדש |