אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויהי בארבע עשרה שנה למלך חזקיהו עלה סנחריב מלך-אשור על כל-ערי יהודה הבצרות ויתפשם. | אין ביאור עדיין - כתבו ביאור חדש |
| ב | וישלח מלך-אשור את-רב-שקה מלכיש ירושלמה אל-המלך חזקיהו בחיל כבד ויעמד בתעלת הברכה העליונה במסלת שדה כובס. | אין ביאור עדיין - כתבו ביאור חדש |
| ג | ויצא אליו אליקים בן-חלקיהו אשר על-הבית ושבנא הספר ויואח בן-אסף המזכיר. | אין ביאור עדיין - כתבו ביאור חדש |
| ד | ויאמר אליהם רב-שקה אמרו-נא אל-חזקיהו כה-אמר המלך הגדול מלך אשור מה הבטחון הזה אשר בטחת. | אין ביאור עדיין - כתבו ביאור חדש |
| ה | אמרתי אך-דבר-שפתים עצה וגבורה למלחמה עתה על-מי בטחת כי מרדת בי. | אין ביאור עדיין - כתבו ביאור חדש |
| ו | הנה בטחת על-משענת הקנה הרצוץ הזה על-מצרים אשר יסמך איש עליו ובא בכפו ונקבה כן פרעה מלך-מצרים לכל-הבטחים עליו. | אין ביאור עדיין - כתבו ביאור חדש |
| ז | וכי-תאמר אלי אל-יהוה אלהינו בטחנו הלוא-הוא אשר הסיר חזקיהו את-במתיו ואת-מזבחתיו ויאמר ליהודה ולירושלם לפני המזבח הזה תשתחוו. | אין ביאור עדיין - כתבו ביאור חדש |
| ח | ועתה התערב נא את-אדני המלך אשור ואתנה לך אלפים סוסים אם-תוכל לתת לך רכבים עליהם. | אין ביאור עדיין - כתבו ביאור חדש |
| ט | ואיך תשיב את פני פחת אחד עבדי אדני הקטנים ותבטח לך על-מצרים לרכב ולפרשים. | אין ביאור עדיין - כתבו ביאור חדש |
| י | ועתה המבלעדי יהוה עליתי על-הארץ הזאת להשחיתה יהוה אמר אלי עלה אל-הארץ הזאת והשחיתה. | אין ביאור עדיין - כתבו ביאור חדש |
| יא | ויאמר אליקים ושבנא ויואח אל-רב-שקה דבר-נא אל-עבדיך ארמית כי שמעים אנחנו ואל-תדבר אלינו יהודית באזני העם אשר על-החומה. | אין ביאור עדיין - כתבו ביאור חדש |
| יב | ויאמר רב-שקה האל אדניך ואליך שלחני אדני לדבר את-הדברים האלה הלא על-האנשים הישבים על-החומה לאכל את-חראיהם ולשתות את-שיניהם עמכם. | אין ביאור עדיין - כתבו ביאור חדש |
| יג | ויעמד רב-שקה ויקרא בקול-גדול יהודית ויאמר שמעו את-דברי המלך הגדול מלך אשור. | אין ביאור עדיין - כתבו ביאור חדש |
| יד | כה אמר המלך אל-ישא לכם חזקיהו כי לא-יוכל להציל אתכם. | אין ביאור עדיין - כתבו ביאור חדש |
| טו | ואל-יבטח אתכם חזקיהו אל-יהוה לאמר הצל יצילנו יהוה לא תנתן העיר הזאת ביד מלך אשור. | אין ביאור עדיין - כתבו ביאור חדש |
| טז | אל-תשמעו אל-חזקיהו כי כה אמר המלך אשור עשו-אתי ברכה וצאו אלי ואכלו איש-גפנו ואיש תאנתו ושתו איש מי-בורו. | אין ביאור עדיין - כתבו ביאור חדש |
| יז | עד-באי ולקחתי אתכם אל-ארץ כארצכם ארץ דגן ותירוש ארץ לחם וכרמים. | אין ביאור עדיין - כתבו ביאור חדש |
| יח | פן-יסית אתכם חזקיהו לאמר יהוה יצילנו ההצילו אלהי הגוים איש את-ארצו מיד מלך אשור. | אין ביאור עדיין - כתבו ביאור חדש |
| יט | איה אלהי חמת וארפד איה אלהי ספרוים וכי-הצילו את-שמרון מידי. | אין ביאור עדיין - כתבו ביאור חדש |
| כ | מי בכל-אלהי הארצות האלה אשר-הצילו את-ארצם מידי כי-יציל יהוה את-ירושלם מידי. | אין ביאור עדיין - כתבו ביאור חדש |
| כא | ויחרישו ולא-ענו אתו דבר כי-מצות המלך היא לאמר לא תענהו. | אין ביאור עדיין - כתבו ביאור חדש |
| כב | ויבא אליקים בן-חלקיהו אשר-על-הבית ושבנא הסופר ויואח בן-אסף המזכיר אל-חזקיהו קרועי בגדים ויגידו לו את דברי רב-שקה. | אין ביאור עדיין - כתבו ביאור חדש |