אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ויהי בשנה הרביעת ליהויקים בן-יאשיהו מלך יהודה היה הדבר הזה אל-ירמיהו מאת יהוה לאמר. | אין ביאור עדיין - כתבו ביאור חדש |
| ב | קח-לך מגלת-ספר וכתבת אליה את כל-הדברים אשר-דברתי אליך על-ישראל ועל-יהודה ועל-כל-הגוים מיום דברתי אליך מימי יאשיהו ועד היום הזה. | אין ביאור עדיין - כתבו ביאור חדש |
| ג | אולי ישמעו בית יהודה את כל-הרעה אשר אנכי חשב לעשות להם למען ישובו איש מדרכו הרעה וסלחתי לעונם ולחטאתם. | אין ביאור עדיין - כתבו ביאור חדש |
| ד | ויקרא ירמיהו את-ברוך בן-נריה ויכתב ברוך מפי ירמיהו את כל-דברי יהוה אשר-דבר אליו על-מגלת-ספר. | אין ביאור עדיין - כתבו ביאור חדש |
| ה | ויצוה ירמיהו את-ברוך לאמר אני עצור לא אוכל לבוא בית יהוה. | אין ביאור עדיין - כתבו ביאור חדש |
| ו | ובאת אתה וקראת במגלה אשר-כתבת-מפי את-דברי יהוה באזני העם בית יהוה ביום צום וגם באזני כל-יהודה הבאים מעריהם תקראם. | אין ביאור עדיין - כתבו ביאור חדש |
| ז | אולי תפל תחנתם לפני יהוה וישבו איש מדרכו הרעה כי-גדול האף והחמה אשר-דבר יהוה אל-העם הזה. | אין ביאור עדיין - כתבו ביאור חדש |
| ח | ויעש ברוך בן-נריה ככל אשר-צוהו ירמיהו הנביא לקרא בספר דברי יהוה בית יהוה. | אין ביאור עדיין - כתבו ביאור חדש |
| ט | ויהי בשנה החמשית ליהויקים בן-יאשיהו מלך-יהודה בחדש התשעי קראו צום לפני יהוה כל-העם בירושלם וכל-העם הבאים מערי יהודה בירושלם. | אין ביאור עדיין - כתבו ביאור חדש |
| י | ויקרא ברוך בספר את-דברי ירמיהו בית יהוה בלשכת גמריהו בן-שפן הספר בחצר העליון פתח שער בית-יהוה החדש באזני כל-העם. | אין ביאור עדיין - כתבו ביאור חדש |
| יא | וישמע מכיהו בן-גמריהו בן-שפן את-כל-דברי יהוה מעל הספר. | אין ביאור עדיין - כתבו ביאור חדש |
| יב | וירד בית-המלך על-לשכת הספר והנה-שם כל-השרים יושבים אלישמע הספר ודליהו בן-שמעיהו ואלנתן בן-עכבור וגמריהו בן-שפן וצדקיהו בן-חנניהו וכל-השרים. | אין ביאור עדיין - כתבו ביאור חדש |
| יג | ויגד להם מכיהו את כל-הדברים אשר שמע בקרא ברוך בספר באזני העם. | אין ביאור עדיין - כתבו ביאור חדש |
| יד | וישלחו כל-השרים אל-ברוך את-יהודי בן-נתניהו בן-שלמיהו בן-כושי לאמר המגלה אשר קראת בה באזני העם קחנה בידך ולך ויקח ברוך בן-נריהו את-המגלה בידו ויבא אליהם. | אין ביאור עדיין - כתבו ביאור חדש |
| טו | ויאמרו אליו שב נא וקראנה באזנינו ויקרא ברוך באזניהם. | אין ביאור עדיין - כתבו ביאור חדש |
| טז | ויהי כשמעם את-כל-הדברים פחדו איש אל-רעהו ויאמרו אל-ברוך הגיד נגיד למלך את כל-הדברים האלה. | אין ביאור עדיין - כתבו ביאור חדש |
| יז | ואת-ברוך שאלו לאמר הגד-נא לנו איך כתבת את-כל-הדברים האלה מפיו. | אין ביאור עדיין - כתבו ביאור חדש |
| יח | ויאמר להם ברוך מפיו יקרא אלי את כל-הדברים האלה ואני כתב על-הספר בדיו. | יש ביאור - קראו וערכו אותו |
| יט | ויאמרו השרים אל-ברוך לך הסתר אתה וירמיהו ואיש אל-ידע איפה אתם. | אין ביאור עדיין - כתבו ביאור חדש |
| כ | ויבאו אל-המלך חצרה ואת-המגלה הפקדו בלשכת אלישמע הספר ויגידו באזני המלך את כל-הדברים. | אין ביאור עדיין - כתבו ביאור חדש |
| כא | וישלח המלך את-יהודי לקחת את-המגלה ויקחה מלשכת אלישמע הספר ויקראה יהודי באזני המלך ובאזני כל-השרים העמדים מעל המלך. | אין ביאור עדיין - כתבו ביאור חדש |
| כב | והמלך יושב בית החרף בחדש התשיעי ואת-האח לפניו מבערת. | אין ביאור עדיין - כתבו ביאור חדש |
| כג | ויהי כקרוא יהודי שלש דלתות וארבעה יקרעה בתער הספר והשלך אל-האש אשר אל-האח עד-תם כל-המגלה על-האש אשר על-האח. | אין ביאור עדיין - כתבו ביאור חדש |
| כד | ולא פחדו ולא קרעו את-בגדיהם המלך וכל-עבדיו השמעים את כל-הדברים האלה. | אין ביאור עדיין - כתבו ביאור חדש |
| כה | וגם אלנתן ודליהו וגמריהו הפגעו במלך לבלתי שרף את-המגלה ולא שמע אליהם. | אין ביאור עדיין - כתבו ביאור חדש |
| כו | ויצוה המלך את-ירחמאל בן-המלך ואת-שריהו בן-עזריאל ואת-שלמיהו בן-עבדאל לקחת את-ברוך הספר ואת ירמיהו הנביא ויסתרם יהוה. | אין ביאור עדיין - כתבו ביאור חדש |
| כז | ויהי דבר-יהוה אל-ירמיהו אחרי שרף המלך את-המגלה ואת-הדברים אשר כתב ברוך מפי ירמיהו לאמר. | אין ביאור עדיין - כתבו ביאור חדש |
| כח | שוב קח-לך מגלה אחרת וכתב עליה את כל-הדברים הראשנים אשר היו על-המגלה הראשנה אשר שרף יהויקים מלך-יהודה. | אין ביאור עדיין - כתבו ביאור חדש |
| כט | ועל-יהויקים מלך-יהודה תאמר כה אמר יהוה אתה שרפת את-המגלה הזאת לאמר מדוע כתבת עליה לאמר בא-יבוא מלך-בבל והשחית את-הארץ הזאת והשבית ממנה אדם ובהמה. | אין ביאור עדיין - כתבו ביאור חדש |
| ל | לכן כה-אמר יהוה על-יהויקים מלך יהודה לא-יהיה-לו יושב על-כסא דוד ונבלתו תהיה משלכת לחרב ביום ולקרח בלילה. | אין ביאור עדיין - כתבו ביאור חדש |
| לא | ופקדתי עליו ועל-זרעו ועל-עבדיו את-עונם והבאתי עליהם ועל-ישבי ירושלם ואל-איש יהודה את כל-הרעה אשר-דברתי אליהם ולא שמעו. | אין ביאור עדיין - כתבו ביאור חדש |
| לב | וירמיהו לקח מגלה אחרת ויתנה אל-ברוך בן-נריהו הספר ויכתב עליה מפי ירמיהו את כל-דברי הספר אשר שרף יהויקים מלך-יהודה באש ועוד נוסף עליהם דברים רבים כהמה. | אין ביאור עדיין - כתבו ביאור חדש |