אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 24/09/2024
| פסוק | ביאור | |
|---|---|---|
| א | ואשה אחת מנשי בני-הנביאים צעקה אל-אלישע לאמר עבדך אישי מת ואתה ידעת כי עבדך היה ירא את-יהוה והנשה בא לקחת את-שני ילדי לו לעבדים. | אין ביאור עדיין - כתבו ביאור חדש |
| ב | ויאמר אליה אלישע מה אעשה-לך הגידי לי מה-יש-לכי בבית ותאמר אין לשפחתך כל בבית כי אם-אסוך שמן. | אין ביאור עדיין - כתבו ביאור חדש |
| ג | ויאמר לכי שאלי-לך כלים מן-החוץ מאת כל-שכנכי כלים רקים אל-תמעיטי. | אין ביאור עדיין - כתבו ביאור חדש |
| ד | ובאת וסגרת הדלת בעדך ובעד-בניך ויצקת על כל-הכלים האלה והמלא תסיעי. | אין ביאור עדיין - כתבו ביאור חדש |
| ה | ותלך מאתו ותסגר הדלת בעדה ובעד בניה הם מגשים אליה והיא מיצקת. | אין ביאור עדיין - כתבו ביאור חדש |
| ו | ויהי כמלאת הכלים ותאמר אל-בנה הגישה אלי עוד כלי ויאמר אליה אין עוד כלי ויעמד השמן. | אין ביאור עדיין - כתבו ביאור חדש |
| ז | ותבא ותגד לאיש האלהים ויאמר לכי מכרי את-השמן ושלמי את-נשיכי ואת בניכי תחיי בנותר. | אין ביאור עדיין - כתבו ביאור חדש |
| ח | ויהי היום ויעבר אלישע אל-שונם ושם אשה גדולה ותחזק-בו לאכל-לחם ויהי מדי עברו יסר שמה לאכל-לחם. | אין ביאור עדיין - כתבו ביאור חדש |
| ט | ותאמר אל-אישה הנה-נא ידעתי כי איש אלהים קדוש הוא עבר עלינו תמיד. | אין ביאור עדיין - כתבו ביאור חדש |
| י | נעשה-נא עלית-קיר קטנה ונשים לו שם מטה ושלחן וכסא ומנורה והיה בבאו אלינו יסור שמה. | אין ביאור עדיין - כתבו ביאור חדש |
| יא | ויהי היום ויבא שמה ויסר אל-העליה וישכב-שמה. | אין ביאור עדיין - כתבו ביאור חדש |
| יב | ויאמר אל-גחזי נערו קרא לשונמית הזאת ויקרא-לה ותעמד לפניו. | אין ביאור עדיין - כתבו ביאור חדש |
| יג | ויאמר לו אמר-נא אליה הנה חרדת אלינו את-כל-החרדה הזאת מה לעשות לך היש לדבר-לך אל-המלך או אל-שר הצבא ותאמר בתוך עמי אנכי ישבת. | אין ביאור עדיין - כתבו ביאור חדש |
| יד | ויאמר ומה לעשות לה ויאמר גיחזי אבל בן אין-לה ואישה זקן. | אין ביאור עדיין - כתבו ביאור חדש |
| טו | ויאמר קרא-לה ויקרא-לה ותעמד בפתח. | אין ביאור עדיין - כתבו ביאור חדש |
| טז | ויאמר למועד הזה כעת חיה אתי חבקת בן ותאמר אל-אדני איש האלהים אל-תכזב בשפחתך. | אין ביאור עדיין - כתבו ביאור חדש |
| יז | ותהר האשה ותלד בן למועד הזה כעת חיה אשר-דבר אליה אלישע. | אין ביאור עדיין - כתבו ביאור חדש |
| יח | ויגדל הילד ויהי היום ויצא אל-אביו אל-הקצרים. | אין ביאור עדיין - כתבו ביאור חדש |
| יט | ויאמר אל-אביו ראשי ראשי ויאמר אל-הנער שאהו אל-אמו. | אין ביאור עדיין - כתבו ביאור חדש |
| כ | וישאהו ויביאהו אל-אמו וישב על-ברכיה עד-הצהרים וימת. | אין ביאור עדיין - כתבו ביאור חדש |
| כא | ותעל ותשכבהו על-מטת איש האלהים ותסגר בעדו ותצא. | אין ביאור עדיין - כתבו ביאור חדש |
| כב | ותקרא אל-אישה ותאמר שלחה נא לי אחד מן-הנערים ואחת האתנות וארוצה עד-איש האלהים ואשובה. | אין ביאור עדיין - כתבו ביאור חדש |
| כג | ויאמר מדוע אתי הלכתי אליו היום לא-חדש ולא שבת ותאמר שלום. | אין ביאור עדיין - כתבו ביאור חדש |
| כד | ותחבש האתון ותאמר אל-נערה נהג ולך אל-תעצר-לי לרכב כי אם-אמרתי לך. | אין ביאור עדיין - כתבו ביאור חדש |
| כה | ותלך ותבוא אל-איש האלהים אל-הר הכרמל ויהי כראות איש-האלהים אתה מנגד ויאמר אל-גיחזי נערו הנה השונמית הלז. | אין ביאור עדיין - כתבו ביאור חדש |
| כו | עתה רוץ-נא לקראתה ואמר-לה השלום לך השלום לאישך השלום לילד ותאמר שלום. | אין ביאור עדיין - כתבו ביאור חדש |
| כז | ותבא אל-איש האלהים אל-ההר ותחזק ברגליו ויגש גיחזי להדפה ויאמר איש האלהים הרפה-לה כי-נפשה מרה-לה ויהוה העלים ממני ולא הגיד לי. | אין ביאור עדיין - כתבו ביאור חדש |
| כח | ותאמר השאלתי בן מאת אדני הלא אמרתי לא תשלה אתי. | אין ביאור עדיין - כתבו ביאור חדש |
| כט | ויאמר לגיחזי חגר מתניך וקח משענתי בידך ולך כי-תמצא איש לא תברכנו וכי-יברכך איש לא תעננו ושמת משענתי על-פני הנער. | אין ביאור עדיין - כתבו ביאור חדש |
| ל | ותאמר אם הנער חי-יהוה וחי-נפשך אם-אעזבך ויקם וילך אחריה. | אין ביאור עדיין - כתבו ביאור חדש |
| לא | וגחזי עבר לפניהם וישם את-המשענת על-פני הנער ואין קול ואין קשב וישב לקראתו ויגד-לו לאמר לא הקיץ הנער. | אין ביאור עדיין - כתבו ביאור חדש |
| לב | ויבא אלישע הביתה והנה הנער מת משכב על-מטתו. | אין ביאור עדיין - כתבו ביאור חדש |
| לג | ויבא ויסגר הדלת בעד שניהם ויתפלל אל-יהוה. | אין ביאור עדיין - כתבו ביאור חדש |
| לד | ויעל וישכב על-הילד וישם פיו על-פיו ועיניו על-עיניו וכפיו על-כפו ויגהר עליו ויחם בשר הילד. | אין ביאור עדיין - כתבו ביאור חדש |
| לה | וישב וילך בבית אחת הנה ואחת הנה ויעל ויגהר עליו ויזורר הנער עד-שבע פעמים ויפקח הנער את-עיניו. | יש ביאור - קראו וערכו אותו |
| לו | ויקרא אל-גיחזי ויאמר קרא אל-השנמית הזאת ויקראה ותבוא אליו ויאמר שאי בנך. | אין ביאור עדיין - כתבו ביאור חדש |
| לז | ותבא ותפל על-רגליו ותשתחו ארצה ותשא את-בנה ותצא. | אין ביאור עדיין - כתבו ביאור חדש |
| לח | ואלישע שב הגלגלה והרעב בארץ ובני הנביאים ישבים לפניו ויאמר לנערו שפת הסיר הגדולה ובשל נזיד לבני הנביאים. | אין ביאור עדיין - כתבו ביאור חדש |
| לט | ויצא אחד אל-השדה ללקט ארת וימצא גפן שדה וילקט ממנו פקעת שדה מלא בגדו ויבא ויפלח אל-סיר הנזיד כי-לא ידעו. | יש ביאור - קראו וערכו אותו |
| מ | ויצקו לאנשים לאכול ויהי כאכלם מהנזיד והמה צעקו ויאמרו מות בסיר איש האלהים ולא יכלו לאכל. | אין ביאור עדיין - כתבו ביאור חדש |
| מא | ויאמר וקחו-קמח וישלך אל-הסיר ויאמר צק לעם ויאכלו ולא היה דבר רע בסיר. | אין ביאור עדיין - כתבו ביאור חדש |
| מב | ואיש בא מבעל שלשה ויבא לאיש האלהים לחם בכורים עשרים-לחם שערים וכרמל בצקלנו ויאמר תן לעם ויאכלו. | אין ביאור עדיין - כתבו ביאור חדש |
| מג | ויאמר משרתו מה אתן זה לפני מאה איש ויאמר תן לעם ויאכלו כי כה אמר יהוה אכל והותר. | אין ביאור עדיין - כתבו ביאור חדש |
| מד | ויתן לפניהם ויאכלו ויותרו כדבר יהוה. | אין ביאור עדיין - כתבו ביאור חדש |