"זבח" האנשים הפושעים..."דראון"...לכל בשר...

מאת: רמי ניר

אל:

"וְאַתָּה בֶן-אָדָם"
"כֹּה-אָמַר אֲדֹנָי יְהוִה"
"אֱמֹר לְצִפּוֹר כָּל-כָּנָף"
"וּלְכֹל חַיַּת הַשָּׂדֶה"
"הִקָּבְצוּ וָבֹאוּ הֵאָסְפוּ מִסָּבִיב"
"עַל-זִבְחִי אֲשֶׁר אֲנִי זֹבֵחַ לָכֶם"
"זֶבַח גָּדוֹל עַל הָרֵי יִשְׂרָאֵל"...

"וַאֲכַלְתֶּם בָּשָׂר וּשְׁתִיתֶם דָּם"
"בְּשַׂר גִּבּוֹרִים תֹּאכֵלוּ"
"וְדַם-נְשִׂיאֵי הָאָרֶץ תִּשְׁתּוּ"
"אֵילִים כָּרִים וְעַתּוּדִים פָּרִים מְרִיאֵי בָשָׁן כֻּלָּם"
"וַאֲכַלְתֶּם-חֵלֶב לְשָׂבְעָה"
"וּשְׁתִיתֶם דָּם לְשִׁכָּרוֹן"
"מִזִּבְחִי אֲשֶׁר-זָבַחְתִּי לָכֶם"
"וּשְׂבַעְתֶּם עַל-שֻׁלְחָנִי"
"סוּס וָרֶכֶב גִּבּוֹר וְכָל-אִישׁ מִלְחָמָה"
"נְאֻם אֲדֹנָי יְהוִה"...

"וְנָתַתִּי אֶת-כְּבוֹדִי בַּגּוֹיִם"
"וְרָאוּ כָל-הַגּוֹיִם אֶת-מִשְׁפָּטִי אֲשֶׁר עָשִׂיתִי"
"וְאֶת-יָדִי אֲשֶׁר-שַׂמְתִּי בָהֶם"
"וְיָדְעוּ בֵּית יִשְׂרָאֵל כִּי אֲנִי יְהוָה אֱלֹהֵיהֶם"
"מִן-הַיּוֹם הַהוּא וָהָלְאָה"...

"וְיָדְעוּ הַגּוֹיִם כִּי בַעֲו‍ֹנָם גָּלוּ בֵית-יִשְׂרָאֵל"
"עַל אֲשֶׁר מָעֲלוּ-בִי"
"וָאַסְתִּר פָּנַי מֵהֶם"
"וָאֶתְּנֵם בְּיַד צָרֵיהֶם"
"וַיִּפְּלוּ בַחֶרֶב כֻּלָּם"
"כְּטֻמְאָתָם וּכְפִשְׁעֵיהֶם עָשִׂיתִי אֹתָם"
"וָאַסְתִּר פָּנַי מֵהֶם"...
(יחזקאל לט' 24-17)

***

"וְהָיָה מִדֵּי-חֹדֶשׁ בְּחָדְשׁוֹ"
"וּמִדֵּי שַׁבָּת בְּשַׁבַּתּוֹ"
"יָבוֹא כָל-בָּשָׂר לְהִשְׁתַּחֲו‍ֹת לְפָנַי אָמַר יְהוָה"
"וְיָצְאוּ וְרָאוּ--בְּפִגְרֵי הָאֲנָשִׁים הַפֹּשְׁעִים בִּי"
"כִּי תוֹלַעְתָּם לֹא תָמוּת"
"וְאִשָּׁם לֹא תִכְבֶּה"
"וְהָיוּ דֵרָאוֹן לְכָל-בָּשָׂר"...
(ישעיה סו' 24-23)